KAPÍTULO # 2
UN OBRA DI PROME IMPORTANSHA

 

   
   
 
Página 7
 
 

Un ministerio di éksito pa salba alma

   Bon hasí, e obra dje kolportor ta un obra misionero di un karakter mas haltu, i pa presentá na hende e bèrdatnan importante pa nos tempu, no por usa un método mihó i mas fortuná. No por ninga e importansha di predikashon, pero hopi ku tin hamber dje pan di bida, no tin e privilegio di skucha e palabra for di e ministronan eskohí pa Dios. P'esei ta importante ku nos publikashonnan wòrdu hibá tur kaminda. Di e manera aki e mensahe ta yega kaminda e ministro no por bai, i atenshon di hopi hende lo ta yamá pa mira e susesonan importante relashoná ku e último esenanan di historia di e mundu aki.
   Un obra ordená pa Dios.- Dios a ordená kolportahe komo un medio di presentá na hende e lus ku nos bukinan tin, i e kolportornan mester komprendé kon indispensabel ta pa presentá na mundu tan pronto ku ta posibel e bukinan ku ta nesesario pa su eduka-shon i tambe ilustrashon spiritual. Di bèrdat esaki ta e obra ku Señor ke pa Su pueblo hasi den e tempu aki. Tur (17) esnan ku ta konsagrá nan mes na Dios pa traha komo kolportornan, ta yuda pa duna e último mensahe di spièrtamentu na mundu. Nos no por apresiá e obra aki demasiado; pasombra si no tabata pa e esfuersonan dje kolportor, hopi ta esnan ku

 
   
 
Página 8
 
 

nunka lo a skucha e spièrtamentu (Joyas de los testimonios, tomo 2, página 532. Aña 1900).

Un obra di gran importansia

   Si tin un obra mas importante ku otro, esei ta esun di presentá nos publikashonnan na e públiko, i motiv'é pa listra e Skrituranan. E obra misionero - ku ta konsistí den introdusí nos publikashonnan den e famianan, kombersá i hasi orashon ku nan -, ta un bon obra ku lo siña hòmber i muhernan kon pa hasi e trabou pastoral (Testimonies, tomo 4, página 390. Aña 1880).
   Ora e miembronan di iglesia mira e importansia pa pone nos publikashonnan sirkulá, nan lo dediká mas tempu na e obra aki. E revista, foyeto i e bukinan, lo ta den e hogarnan di e hendenan, pa prediká e Evangelio den diferente aspektonan.... Iglesia mester duna atenshon na e obra di kolportahe. Esaki ta unu di e maneranan ku e mester bria na mundu. Anto lo e ta "bunita manera luna, kla manera solo, imponente manera ehérsito na òrdu" (Manuskrito 113, 1901).

(18)

Un yamamentu pa rebibá e interes

   Konstantemente mi ta wòrdu rekordá e importansia di kolportahe. Últimamente e obra aki no a haña e bida manera esnan ku den pasado a hasi di dje nan speshalidat. A saka e kolportornan di nan obra evangelista pa nan dediká nan mes ku otro trabounan. Esaki no ta e manera ku e mester ta. Hopi di nos kolportornan, si nan tabata bèrdaderamente
 
   
 
Página 9
 
 

kombertí i konsagrá, nan lo por a hasi mas den e ramo aki ku den kualke otro, den presentá e bèrdat na hende den e tempu aki.
   Palabra di Dios ta mustra nos ku fin ta serka. Mester spièrta mundu, i manera nunka promé nos mester traha pa Kristu. Na nos a wòrdu konfia e obra di spièrtamentu. Nos mester hiba e lus na mundu i parti e lus ku nos a haña dje gran Dunadó di lus na otronan. Palabranan i obranan di tur hende lo ta pone na prueba. No ta tempu pa kabishá. Loke mester wòrdu hasi pa spièrta mundu, mester wòrdu hasí sin tardamentu. No mester deskuidá e obra di kolportahe. Laga e bukinan ku tin e lus di e bèrdat presente wòrdu presentá na tur hende ku ta pusibel (Joyas de los Testimonios, tomo 2, página 545. Aña 1900).

E ta mes un importante ku e ministerio

   E kolportornan mester bai i hasi nan obra den diferente partinan di e pais. E importansia di e obra aki, ta mes un kos, (19) ku esun di e ministerio. Tin mester tantu di e predikador bibu komo e mensahero silensioso pa realisá e gran trabou ku ta nos dilanti (Review and Herald, 1-4-1880).
   E trabou di kolportá ku nos publikashonnan ta un parti masha importante i di probecho pa e obra evangéliko. Nos publikashonnan por bai kaminda no por tene reunionnan. Den e lugánan ei e kolportor evangéliko fiel, ta tuma lugá di e predikador bibu. Pa medio di e obra di kolportahe, e bèrdat ta keda asina presentá na míles di personanan ku di otro manera nunka lo e yega na skuch'é (Id., 7-10-1902).

 
   
 
Página 10
 
 

   Nos no tin tempu pa pèrdè. Tin un obra importante nos dilanti, i si nos ta sirbidónan floho, di bèrdat nos lo pèrdè e rekompensa selestial. Pero poko ta esnan ku tin un vishon amplio i ekstenso di loke por hasi pa alkansá hende pa medio di esfuersonan personal i di interesá den distribuí nos publikashonnan di un manera sabí. Hopi ku no ta interesá na skucha e bèrdat presentá pa e predikador bibu, lo aseptá un foyeto òf un revista i lo les'é ku atenshon; hopi di e kosnan ku nan ta lesa ta klòp eksaktamente ku nan ideanan, i asina nan ta interesá den lesa tur loke e tin aden (Id., 19-12-1878).

Pa nos por komprondé nos responsabilidat

   Ta eksistí e peliger di pèrmití nos mes wòrdu invadí pa un spiritu di merkader i (20) wòrdu apsorbé asina tantu den e negoshinan di mundu, ku e bèrdat di e Palabra di Dios no ta wòrdu manifestá den nos bida. Amor pa negoshi i amor pa ganashi ta bira semper mas dominante. Mi rumannan, laga boso alma ta realmente kombèrtí. Si algun bes tabatin un tempu ku tabata nesesario pa komprendé nos responsabilidat, esei ta awor, ora ku bèrdat ta na suela den kaya i loke ta rekto no por drenta. Satanas a baha i tin gran poder, pa obra ku tur e sedukshon di inhustisia den esnan ku ta bai pèrdí; i tur loke ta fásil pa move lo wòrdu move; solamente lo keda e kosnan ku no por wòrdu move.
   Señor lo bini; nos ta den drenta den e esenanan di kalamidatnan. E agentenan di Satanas maske nan ta invisibel, nan ta hasi nan esfuerso pa destruí bida humano. Pero si nos bida ta skondé ku Kristu den Dios, nos lo kontemplá Su grasia i Su salbashon. Señor ta bini pa

 
   
 
Página 11
 
 

establesé Su reino riba tera. Permití pa nos lenganan por ta santifiká i usá pa Su gloria. Laga nos traha awor manera nunka ántes nos a has'é. Nos ta wòrdu spièrta pa para kla "na tempu i for di tempu" (2 Timoteo 4:2). Nos mester buska oportunidatnan pa e presentashon di e bèrdat, i probechá tur okashon ku wòrdu presentá na nos pa hiba almanan na e Salbador.
   Komo pueblo, nos mester kombèrtí di nobo, pa asina nos bida santifiká anunsiá e bèrdat manera e ta den Hesus. Na (21) mes momento ku nos ta repartí nos publikashonnan, nos por, ku e kurason ardiente i ku ta bati, papia di e amor dje Salbador. Ta Dios so por pordoná piká; si nos no komuniká e mensahe aki na esnan ku no ta kombèrtí, nos negligensia por ta kousa di nan perdishon.... Señor ta pidi nos tur pa nos hasi nos esfuerso pa salba e almanan ku ta bai pèrdí. Satanas ta obrando; e ta trata na gaña hasta esnan eskohí; awor ta momento pa traha ku vigilansia. Mester duna publisidat na nos buki i revistanan; e Evangelio di e bèrdat presente mester ta duná sin tardansa den nos statnan. Nos lo kumpli ku nos deber? (Joyas de los Testimonios, tomo 3, página 312,313. Aña 1909).

E obra di Dios

   Laga e kolportor kòrda ku e tin e oportunidat di sembra kantu di tur awa. Lag'é kòrda, ku miéntras e ta bende e bukinan ku ta duna e konosementu di e bèrdat, ku e ta hasiendo e obra di Dios, i ku tur talento mester ta usá pa gloria di Su nòmber. Dios lo ta ku kada un ku ta trata di konosé e bèrdat pa asina present'é na otronan na un manera kla. Dios a papia simpel i kla. "I e Spiritu i e
 
   
 
Página 12
 
 

Brùit ta bisa: Bin. I esun ku tende, lag'é bisa: Bin. I esun ku tin set, lag'é bin" (Reb. 22:17). Sin tardansa nos mester siña esnan ku tin mester, pa asina nan por yega na (22) konosementu di e bèrdat manera e ta den Hesus (Id., tomo 2. Página 533. Aña 1900).

Vigilante i mensaheronan

   A yega tempu ku e kolportornan mester hasi un gran obra. Mundu ta drumí i, komo vigilantenan, nan mester laga e spièrtamentu zona pa lanta esnan ku ta drumi, pa asina konosé nan peliger. E iglesianan no konosé e tempu den kual nan ta biba. Hopi bes, e mihó manera ku nan por siña konosé e bèrdat, ta pa medio di e esfuersonan dje kolportor. Esnan ku ta sali den nòmber di Señor, ta Su mensaheronan pa duna na e multitutnan ku ta den skuridat i den eror, e bon nobo di salbashon den Kristu obediente na e lei di Dios (Id.,página 534. Aña 1900).

Nan lo mira almanan kombèrtí

   Laga e kolportornan sali ku e Palabra di Señor, kòrdando ku esnan ku obedesé e mandamentunan i siña otronan pa obedesé nan, lo keda rekompensá ora nan mira e almanan kombèrtí; i un alma ku di bèrdat ta kombertí, lo trese otronan na Kristu. Di e manera aki, é obra lo drenta teritorionan nobo (Ibid. Aña 1900).

Miéntras tempu di grasia ta dura

   Miéntras tempu di grasia ta dura, lo tin oportunidat pa e kolportor traha. Ora e denominashonnan reli-
 
   
 
Página 13
 
 

gioso uni (23) ku e sistema di papa pa oprimí e pueblo di Dios, lugánan kaminda ta eksistí libertat religioso lo keda habri pa medio di e kolportahe evangéliko. Si den un lugá e persekushon bira fuerte, laga e obreronan hasi manera Kristu a siña. "Ora boso wòrdu pèrsigui den e siudat aki, hui bai na e otro." Si e persekushon yega aya tambe, bai otro lugá. Dios lo guia Su yunan, i nan lo ta di bendishon den hopi lugá. Si no tabata pa e persekushonnan, nan lo no a wòrdu plama asina tantu pa proklamá e bèrdat. I Kristu ta deklará: "Ora nan pèrsiguí boso den e stat aki, hui bai na e otro; pasobra di bèrdat Mi ta bisa boso, boso lo no kaba di pasa dor di e statnan di Israel promé ku e Yu di Hende bin." (Mateo 10:23). Te ora ku den shelu e dekreto wòrdu proklamá: "Ta kumplí", semper lo tin lugánan pa traha i kurasonnan pa risibí e mensahe (Testimonies, tomo 6, página 478. Aña 1900).
   Tin un gran obra pa hasi, i mester hasi tur esfuerso posibel pa revelá Kristu komo e Salbador ku ta pordoná piká, Kristu komo esun ku ta karga ku piká, Kristu komo e strea briante di mainta; i Señor lo duna nos grasia dilanti mundu te ora ku e obra ta kabá (Id.,página 20,21. Aña 1900).

No tin obra superior

   No tin otro obra superior ku esun di e kolportor evangéliko, pasombra e obra aki ta enserá e kumplimentu di e debernan moral mas importante. Esnan ku ta tuma parti den dje mester ta (24) semper bou di e influensia di e Spiritu di Dios. No mester halsa mes. Kiko ta loke kualke di nos tin ku nos no a risibié di
 
   
 
Página 14
 
 

Kristu? Nos mester stima otro komo rumannan, revelá nos amor yudando unu na otro. Nos mester ta miserikordioso i kortes. Nos mester ta mas huntu ku otro, pa traha man na man. Solamente esnan ku ta biba den armonia ku e orashon di Kristu, i ta aktua asina den bida práktika, lo por soportá e prueba ku lo bini riba henter mundu. Esnan ku ta halsa nan mes ta pone nan mes bou di e poder di Satanas, i nan ta prepará nan mes pa ta víktima di su engañonan. E Palabra di Señor pa Su pueblo ta ku nos mester lanta bandera haltu i mas haltu. Si nos obedesé Su bos, lo E obra ku nos i nos esfuersonan lo ta koroná di bon éksito. Den nos obra nos lo risibí hopi bendishon for di ariba i nos lo tin tesoronan wardá banda di e trono di Dios. Si solamente nos por sa loke ta warda nos den e kaminda, nos lo no a mustra asina falta di interes den e obra di Señor.
   Nos ta responsabel pa e obra ku nos mester a hasi.- Nos ta den tempu di seftamentu, den tempu ku loke por wòrdu sakudí lo ta sakudí. Señor lo no diskulpá esnan ku konosé e bèrdat, si nan no obedesé Su mandato den palabra i obra. Si nos no hasi esfuerso pa hiba almanan na Kristu, lo e hasi nos responsabel di e obra ku nos por a hasi i ku nos a deskuidá pa (25) kousa di nos negligensha spiritual. Esnan ku ta pertenesé na e reino di Señor, mester traha ku selo pa gana alma. Nan mester hasi loke nan por pa restourá e lei i sey'é entre e disipelnan.
   Ken lo bai? - Señor ke pa e lus ku E la duna riba e Skrituranan bria den rayonan kla i briante; i ta deber di nos kolportornan pa hasi un esfuerso enérgiko i bon hasi pa asina e plan di Dios por kumpli. Un obra

 
   
 
Página 15
 
 

grandi i importante ta warda nos. E enemigu di e almanan sa esaki i ta usando tur medio na su alkanse pa pone e kolportor hasi otro ramo di trabou. E tipo di kosnan aki mester kambia.
   Dios ta yama e kolportornan pa nan bolbe na nan trabou. E ta pidi voluntarionan pa nan dediká tur nan energia i komprendementu na e obra i yuda kaminda tin oportunidat. E Maestro ta pidi kada un pa hasi segun su kapasidat e parti ku a wòrdu konfia na dje. Ken ta esnan ku lo kontesta e yamada? Ken ta esnan ku lo sali yen di sabiduria, grasia i amor pa Kristu, pa traha na fabor di esnan ku ta serka i leu? Ken ta esnan ku lo sakrifiká nan komodidat i plaser, i drenta den e lugánan kaminda ta reina eror, superstishon i skuridat, pa traha ku deboshon i perseveransia, i presentá e bèrdat ku simplesa, hasi orashon ku fe i traha di kas pa kas? Ken ta esnan ku lo sali den e tempu aki pafó di e kampamentu, yená ku e (26) poder di e Spiritu Santu, pa soportá bèrgwensa pa amor na Kristu, splika e Skrituranan na e hendenan i yama nan na arepentimentu?
   Dios tin obreronan den tur époka. E ta manda e hende apropiá nèt na ora di mester pa satisfasé e demanda. Ora e bos dibino sklama:"Ken lo mi manda, i ken lo bai pa Nos?" e kontesta lo yega: "At'ami aki, mandami" (Isaias 6:8). Tur esnan ku ta traha efikasmente den e obra di kolportahe mester sinti den nan kurason ku nan ta hasiendo e obra di Dios ora nan ta ministra na e almanan ku no konosé e bèrdat pa e tempu aki. Nan ta proklamá e spièrtamentu den e kaminda i hanchinan, pa asina prepará un pueblo pa e

 
   
 
Página 16
 
 

gran dia di Señor, ku pronto lo tuma lugá riba mundu.
   Nos no tin tempu pa pèrdè. Nos mester rebibá e obra aki. Ken ta esnan ku lo bai awor ku nos publika-shonnan? Señor ta kapasitá kada hòmber i muhé ku ke koperá ku e poder dibino pa e obra aki. Nan lo haña tur e talento, balor, perseveransia, fe i takto ku nan tin mester, ora nan pone e bistí di guera. Un gran obra mester wòrdu hasi den nos mundu, i e agentenan humano lo respondé mes ora na e demanda. Mundu mester tende e spièrtamentu. Ora e invitashon yega: "Ken lo Mi manda, i ken lo bai pa Nos?" kontestá den forma kla i distinto: "At'ami aki, manda ami" (Joyas de los Testimonios, tomo 2, página 548,549. Aña 1900). (27)

Komentarionan di e públiko negligente

   E públiko negligente tal bes no ta apresiá nos trabou ni ta mira su importansia. Tal bes nan ta pensa ku ta un negoshi ku ta trese pèrdida, un bida di trabou ingrato i sakrifisio propio. Pero e sirbidó di Hesus ta mir'é di akuerdo ku e lus ku ta bria for di e krus. Su sakrifisio ta parse chikitu den komparashon ku esun di su benditu Maestro, i e ta alegrá su mes pa sigui den Su stapnan. E éksito di su trabou ta dun'é goso puro, i ta e rekompensa mas grandi di un bida di trabou ku pasenshi (Id.,página 556. Aña 1900).

No tin tempu pa pèrdè

   E obra di kolportahe ta un obra di gran responsabilidat, i ta nifiká masha hopi pa hòmber i muhénan ku ta okupá den dje. Nos ta biba den un tempu den
 
   
 
Página 17
 
 

kua tin un gran obra pa hasi, i ki oportunidat mihó nos por tin di proklamá e invitashon na e sena ku Kristu a prepará? Esnan ku den e tempu aki ta drenta e obra di kolportahe ku ánimo i konsagrashon lo ta grandemente bendishoná. Boso no tin tempu pa pèrdè. Konsagrá boso mes voluntario i kompletamente na realisashon di e obra aki. Kòrda ku di naturalesa e ta evangéliko i e ta yuda na duna spièrtamentu na hopi ku tin hopi mester di dje (Manuscrito 113. 1901).

(28)