Esnan ku ta sinti un preokupashon pa e sirbishi

   Ya ku kolportahe ku nos publikashonnan ta un obra misionero, e mester wòrdu dirigí for di e punto di bista misionero. Esnan ku keda eskohí komo kolportornan mester ta hòmber i muhernan ku ta sinti e preokupashon pa sirbi, kua nan ophetivo no ta pa haña ganashi, sino pa hiba e lus na e hendenan. Tur nos sirbishi mester ta hasí pa e gloria di Dios, pa duna e lus di e bèrdat na esnan ku ta den skuridat. Prinsipionan egoista, amor pa ganashi, dignidat, òf puesto, ni sikiera mester wòrdu menshoná entre nos (Joyas de los Testimonios, tomo 2, página 536. Aña 1900).

Selekshoná obreronan ku kuidou

   E obra di kolportahe ta mas importante di loke hopi hende a konsiderá, i mester tin tantu kuidou i sabiduria pa selekshoná obreronan manera pa skohe hòmbernan pa e ministerio. Por prepará hóbennan pa realisá un obra muchu mihó di loke nan a bin ta hasi i ku un pago muchu menor ku esun ku nan a risibí. (42) Alsa e norma i permití ku esnan ku ta ninga nan mes i ta sakrifiká nan mes, esnan ku ta stima Dios i humanidat, nan uni nan mes na e ehérsito di obreronan. Bini, no spera kosnan fásil, sino sea kla i balente i di

bon ánimo pa enfrentá kontratempu i difikultatnan. Laga tur esnan ku por duna un bon informe di nos publikashonnan bini, pasobra nan mes ta apresiá nan balor (Testimonies, tomo 5, página 405,406. Aña 1885).
   Nos rumannan mester manifestá takto ora di selekshoná kolportornan, a ménos ku nan a proponé pa e bèrdat sea mal komprendé i mal representá. Mester duna tur e bèrdadero obreronan bon salario, pero tampoko mester oumentá e kantidat pa kumpra kolportornan, pasobra esaki ta perhudiká nan. Esaki lo hasi nan egoista i dispididó di sèn. Trata na impreshoná nan ku e spiritu di e bèrdadero obra misionero i ku e kualifikashonnan nesesario pa haña éksito. Amor di Hesus den e alma lo hasi e kolportor sinti ku ta un privilegio traha i plama e lus. Lo e studia, lo e hasi plannan i lo e hasi orashon riba e asuntu aki (Id., página 403. Aña 1885).

Algun ta adaptá nan mes mihó ku otronan

   Algun hendenan ta mihó kapasitá ku otronan pa hasi sierto obra; p’esei, no ta korekto pa pensa ku kualke hende por ta kolportor. Algun hendenan no (43) tin e habilidat speshal pa e obra aki; pero tampoko mester konsiderá nan komo infiel òf poko boluntario p’esei. Señor no ta pidi algu ku no ta rasonabel. Iglesia ta un hardin den kua tin un variedat di flornan, kada unu ku nan mes pekuliaridat. Ounke den hopi kos kada un ta diferente, kada un tin su mes balor.
   Dios no ta spera ku kada un di Su yunan ku nan

diferente temperamentunan, ta prepará pa kualke puesto. Laga tur kòrda ku tin vários enkargo. Ningun hende mester bisa otro e obra ku e mester hasi kontra di su mes konvikshonnan ku esaki ta sinti tokante su deber. Ta korekto pa duna konseho i sugerí plannan; pero kada unu mester ta liber pa buska e guia di Dios, pasobra e ta pertenesé na Dios i ta sirbiÉ (Joyas de los Testimonios, tomo2, página 549. Aña 1900).
   Hóben i señoritanan ku mester ta den e ministerio, den e obra bíbliko i den e obra di kolportahe, no mester keda wantá den trabounan mekániko (Review and Herald, 16-5-1912).

Hòmbernan di bon trato, takto i previshon

   Tur kaminda tin mester di misioneronan. Tur kaminda di e kampo mester selekshoná kolportornan no di esnan ku no ta stabil den e sosiedat, no di entre e hòmber i muhénan ku no ta bon pa nada, i ku no tabatin éksito den nada, sino entre esnan ku tin bon trato, takto, previshon skèrpi (44) i kapasidat. Tal ta e personanan ku mester ta kolportornan di éksito. Hòmbernan kapas pa e trabou aki mester drenta den dje, pero algun pastornan ku no tin vishon, lo gaba nan i bisa nan ku nan donnan mester wòrdu usá den ofisina i no den e simpel obra di kolportahe. Di e manera aki e obra ta pèrdè su balor. Nan ta wòrdu kurashá pa haña un kredensial pa prediká, i nèt e personanan ku por tabata prepará pa ta bon misioneronan i pa bishitá famianan den nan hogarnan i papia i hasi orashon ku nan, ta wòrdu hiba pa bira ministronan mediokre, i e kampo kaminda tin mester di tantu

obra i kaminda por hasi asina tantu kos bon pa e kousa, ta keda deskuidá. Tantu kolportor efisiente komo e ministro, mester tin un sueldo sufisiente pa su sirbishi, si su obra ta hasí ku fidelidat (Testimonies, tomo 4, página 389,390. Aña 1880).

Esnan ku tin mihó talentonan

   No ta tur hende ta kapasitá pa e obra aki. Esnan ku tin mihó talentonan i habilidatnan, esnan ku ta drenta e obra ku komprenshon i sistemátikamente, ta sigui ku energia perseverante, ta esnan ku mester wòrdu eskohí. Mester tin un plan masha kuidadosamente organisá i mester kumpli kuné ku tur fidelidat. E iglesianan tur kaminda mester sinti e mas profundo interes den e obra misionero (45) hasí ku nos publikashonnan (Id., página 390. Aña 1880).

Mester di un eksperiensha religioso

   Skohe hóbennan kristian pa pone e bukinan ku tin e bèrdat presente sirkulá. E hóbennan ku no tin eksperiensha religioso no mester wòrdu aseptá komo kolportornan pa traha ku nos bukinan, pasobra nan no por representá na un forma adekuá e bèrdat presioso ku mester wòrdu hiba tur kaminda. Manda e hóbennan aki na e kampo di kolportahe ta un akto inhustu pa nan i pa e obra di Señor. Esaki ta un obra sagrado, i esnan ku ta drenta aden mester ta kapas di duna testimonio pa Kristu (Review and Herald, 7-10-1902).
   Kolportahe ta e mihó forma pa haña eksperien-sha. Sea sigur ku e almanan aki ta sinseramente

kombèrtí promé ku animá nan pa traha den algun aspekto di e obra. Si ta asina, laga nan traha, i Dios lo obra ku nan (Manuscrito 126, 1899).

Un obra sagrado

   E obra di kolportahe mester wòrdu konsiderá komo sagrado, i esnan ku tin mannan ku no ta puro i kurasonnan korumpí no mester keda animá pa drenta den dje. E angelnan di Dios no por kompañá e personanan ku no ta konsagrá na e kasnan di e hendenan; (46) p’esei tur esnan ku no ta kombèrtí, kua nan pensamentunan ta korupto, i ku ta laga e mancha di nan imperfekshonnan riba tur loke nan mishi kuné, mester apstené di manehá e bèrdat di Dios (Review and Herald, 20-5-1890).

(47)