KAPÍTULO # 5
EVANGELISASHON DI NOS ESTUDIANTENAN KOLPORTOR

 

   
   
 
Página 34
 
 

Un plan divino pa nos estudiantenan.

   Señor a ideá un plan pa medio di kua hopi di e estudiantenan di nos kolegionan por siña lèsnan práktiko i nesesario pa despues den bida nan por tin éksito. E la duna nos e privilegio di manehá bukinan di balor ku a wòrdu dediká na e avanse di nos obra edukashonal i médiko. Miéntras ku e hóbennan ta traha ku e bukinan aki, nan lo haña un eksperensia ku lo siña nan kon pa dil ku problemanan ku ta warda nan den áreanan mas leu. Durante nan bida eskolar, mientras ku nan ta manehá e bukinan aki, hopi ta siña kon pa aserká personanan den forma kortes, i kon pa por tin takto pa kombersá ku nan riba diferente puntonan di e bèrdat presente. Ora nan alkansá un grado di éksito finansiero algun di nan ta siña lèsnan di ekonomia, ku lo ta di gran bentaha pa nan ora nan wòrdu mandá komo misioneronan (Review and Herald, 4-6-1908).

Skolnan pa prepará kolportornan evangéliko

   Nos skolnan a wòrdu establesé dor di Señor i si nan ta wòrdu dirigí di akuèrdo (48) ku Su propósitonan, e hubentut ku ta wòrdu mandá na e skolnan aki, lo ta prepará rápidamente pa sirbi den vários ramo di e obra misionero. Algun di nan lo ta kapasitá pa drenta den

 
   
 
Página 35
 
 

kampo komo enfermero misionero, otronan komo kolportor, otronan komo evangelista, otronan komo maestro, i otronan komo ministro evangéliko (Id.,15-10-1903).

Oportunidat pa estudiantenan kolportor

   Ora e klasnan kaba, lo tin oportunidat pa hopi sali den e kampo komo kolportornan evangelista. E kolportor fiel ta drenta den hopi hogar, kaminda e ta laga un material di lektura di balor ku tin e bèrdat pa e tempu aki (Id., 27-8-1903).

Boso mester siña den e skol di Kristu

   Komo studiantenan, boso mester ta siñando semper den e skol di Kristu; boso lo mester aportá den boso obra e kapital di energia físika i mental ku a wòrdu konfia na boso. Dios lo no aseptá un kurason dividí. Tin hòmber i muhénan ku mester ta edukando nan mes pa ta kolportor i instruktornan bíbliko. Nan mester eliminá tur pensamentu no santifiká i tur práktika korumpí, pa nan por ta santifiká pa e bèrdat. Nan mester ta partisipantenan di e naturalesa dibino, ku a huí di korupshon ku tin den mundu pa motibu di deseonan sensual. Nada ménos ku e (49) poder di Dios lo hasi i konserbá boso hustu. Boso mester ofresé Dios e mihó ku boso tin i, nada ménos. Boso mester hasi un obra kada bes mihó miéntras boso ta praktiká loke boso a siña (Id., 20-5-1890).

Un medio di edukashon

   Mi a haña lus speshal den loke ta trata e obra di

 
   
 
Página 36
 
 

kolportahe, i e impreshon i preokupashon ku mi a haña, no ta kita for di mi. E obra aki ta un medio di edukashon. Ta un skol ekselente pa esnan ku ta wòrdu kalifiká pa drenta den e ministerio. Esnan ku ta drenta e obra aki manera e mester ta, ta pone nan mes den un lugá kaminda nan por siña di Kristu i sigui Su ehèmpel. E angelnan ta wòrdu mandá pa kompaña esnan ku ta drenta den e obra aki ku bèrdadero humildat (Manuscrito 26, 1901).
   E mihó edukashon ku e hóbennan por optené, ta wòrdu lográ dor di drenta den e kampo di kolportahe i pa traha di kas pa kas. Den e trabou aki nan lo haña e oportunidat di papia palabranan di bida. Asina nan lo sembra e simianan di e bèrdat. Laga e hóbennan demostrá ku riba nan ta deskansá un karga ku Dios a duna nan. E úniko forma ku nan tin pa proba ku nan por keda firme den Dios, i ta bistí ku tur e bisti di guera, ta hasiendo fielmente e obra ku Dios a duna nan pa hasi (Manuscrito 75, 1900). (50)

E bèrdadero “Edukashon superior”

   Nos no mester desanimá nos rumannan ni debilitá nan mannan, pa e obra ku Señor ta deseá di hasi dor di nan, keda sin wòrdu hasi. No dediká demasiado tempu pa prepará hende pa hasi obra misionero. Ta nesesario pa duna instrukshon, pero laga tur hende kòrda ku Kristu ta e gran Maestro i e Fuente di tur bèrdadero sabiduria.
   Laga hóbennan i grandinan konsagrá nan mes na Dios, drenta den e obra i trahando ku humildat, sigui

 
   
 
Página 37
 
 

dilanti bou di e kontròl di e Spiritu Santu. Laga esnan ku tabata den skol, sali bai den kampo, i praktiká e konosementu ku nan a risibí. Si e kolportornan hasi esaki, nan ta usa e kapasidat ku Dios a duna nan; nan ta buska Su konseho i kombiná e trabou di bende buki ku e obra personal na fabor di hende, i asina nan talento lo oumentá ku e ehersisio i nan lo siña hopi lès práktiko ku na skol nan no por siña. E edukashon risibí di e manera práktiko aki bon por wòrdu yamá edukashon superior (Joyas de los Testimonios, tomo 2, página 546,547. Aña 1900).

Un eksperensia no apresiá

   Tur esnan ku ta deseá un oportunidat di ehersé un bèrdadero ministerio, i ku ke entregá nan mes sin reserva na Dios, lo haña den kolportahe oportunidatnan pa papia di hopi kos tokante e bida (51) futuro i inmortal. E eksperensia ganá di e manera aki lo ta di mas balor pa esnan ku ta prepará nan mes pa e ministerio. Ta e kompania di e Spiritu Santu di Dios, ta loke ta prepará e obrero, sea hòmber òf muhé, pa guia e tou di Dios. Miéntras nan ta pensa ku Kristu ta nan kompañero, nan ta sinti un reverensia santu, un goso sagrado meimei di e kosnan fastioso i den tur e pruebanan. Nan lo siña hasi orashon miéntras nan ta traha. Nan lo wòrdu eduká den pasenshi, bondat, kortesia, ku un spiritu servisial. Nan lo praktiká e bèrdadero kortesia kristian, kòrdando ku Kristu, nan Kompañero, no por aprobá palabranan duru ni sintimentunan asosial. Nan palabranan lo ta purifiká. Nan lo konsiderá e fakultat di papia komo talento

 
   
 
Página 38
 
 

presioso, ku a wòrdu fiá na nan pa hasi un obra di altura i santu. E agente humano lo siña representá e Kompañero dibino ku kua e ta asosiá kuné. Lo e mustra rèspèt i reverensia na e Ser santu i invisibel, pasobra e ta hiba Su yugo i ta siña Su modalnan puru i santu. Esnan ku tin fe den e Kompañero dibino aki lo desaroyá. Nan lo keda yená di poder pa bisti e mensahe di bèrdat ku un beyesa sagrado (Id., página 541. Aña 1900).

Un preparashon pa e ministerio

   Algun hendenan ku Dios a yama na e obra di e ministerio a drenta den e kampo (52) komo kolportor. Mi a wòrdu mustra ku esaki ta un preparashon ekselente si nan meta ta, plama e lus i hiba e bèrdat di e Palabra di Dios direktamente na e hogarnan. Den kombersashon hopi biaha lo presentá e oportunidat pa papia di e religion di Beibel. Si nan hasi e obra aki manera e mester ta hasí, nan lo bishitá e famianan, nan lo manifestá ternura kristian i amor pa e almanan, i gran benefisio lo ta e resultado. Esaki lo ta un eksperensia ekselente pa kualke persona ku ta proponé drenta den e ministerio.
   Esnan ku ta prepará nan mes pa e ministerio no por dediká nan mes na otro okupashon ku por duna nan un eksperensia asina grandi manera esun di kolportahe (Id., página 550. Aña 1900).
   Tin mas difikultat den e obra aki ku den algun otro ramo komersial; pero e lèsnan ku ta wòrdu siñá, takto i disiplina lo kapasitá boso pa otro kamponan di utilidat kaminda boso por ministrá na fabor di e almanan.

 
   
 
Página 39
 
 

Esnan ku masha poko ta siña e lèsnan i ta deskuidá i ta aserká e personanan di un manera brutu, nan lo manifestá e mes un falta di takto i habilidat ora di trata ku mente di hende, si nan drenta den ministerio ….
   Den kolportahe evangéliko, e hóbennan por keda mihó prepará pa e trabou ministerial ku ora nan pasa hopi aña na skol (Manual for Canvassers, página 41,42. Aña 1902). (53)

E konosementu esensial

   Na esnan ku ta bai skol pa siña hasi e obra di Dios mas perfektamente, mi ke bisa nan: Kòrda ku ta solamente dor di un konsagrashon diario na Dios ku boso por bira ganadornan di alma. Tin esnan ku no por a bai skol pasombra nan tabata demasiado pober pa paga nan gastunan, pero ora nan a bira yu hòmber i yu muhé di Dios, nan a hasi uso di e trabou kaminda nan tabata i nan a obra na fabor di esnan rondó di nan. Ounke nan tabata falta e konosementu di skol, nan a konsagrá nan mes na Dios, i Dios a obra pa medio di nan. manera e disipelnan ora nan a wòrdu yamá for di nan redanan pa sigui Kristu, nan a siña lèsnan bunita for dje Salbador. Nan a asosiá nan mes ku e gran Maestro, i e konosementu ku nan a haña di e Skrituranan a kalifiká nan pa konta otronan di Kristu. Asina nan a bira berdaderamente sabi, pasobra nan no tabata demasiado sabí di nan mes pensamentu pa risibí instrukshon di ariba. E poder renobá dje Spiritu Santu a duna nan energia práktiko i salbador.
   E konosementu di e hòmber mas sabí ku no a siña

 
   
 
Página 40
 
 

den e skol di Kristu, ta bobedat ora ta trata di hiba almanan na Kristu. Dios por obra únikamente pa esnan ku aseptá e invitashon: “Bin serka Mi tur ku ta kansá i kargá, i lo Mi duna boso sosiegu. Tuma (54) Mi yugo riba boso, i siña di Mi, pasobra Mi ta mansu i humilde di kurason; i boso lo haña sosiegu pa boso alma. Pasobra Mi yugo ta suave i Mi karga ta lihé” (Mat. 11:28-30)(Joyas de los Testimonios, tomo 2, página 537. Aña 1900).

(55)