SEKSHON II
E KOLPORTOR KAPAS


KAPÍTULO # 7
UN KONSAGRASHON KOMPLETO NA DIOS

 

   
   
 
Página 54
 
 

Elementonan básiko

   Esnan ku ta den e obra di kolportahe, na promé lugá mester konsagrá nan mes di un manera kompletu i sin reserva na Dios. Kristu a duna nos e invita-shon: “Bin serka Mi tur ku ta kansá i kargá, i lo Mi duna bo sosiegu. Tuma Mi yugo riba boso i siña di Mi, ku Mi ta mansu i humilde di kurason: i boso lo haña sosiegu pa boso alma. Pasobra Mi yugo ta suave i Mi karga ta lihé” (Manuscrito 26, 1901).

Gana tempu pèrdí

   Si boso a deskuidá e tempu di planta, si boso a permití e oportunidatnan ku Dios a duna boso pasa sin hasi probecho di nan, (72) si boso a dediká tempu pa agradá boso mes, lo boso no arepentí awor promé ku lo ta demasiado lat pa semper i trata di gana e tempu pèrdí? E obligashon pa usa boso talentonan den sirbishi dje Maestro ta sosegá masha pisá

 
   
 
Página 55
 
 

riba boso. Bai serka Señor i hasi un entrega kompleto di tur loke boso tin. Boso no por tuma e luho di pèrdè un dia. Sigui ku e obra ku boso a deskuidá. Bandoná boso inkredulidat i kehamentu, boso envidia i mal pensamentunan, i bai traha ku un fe humilde, i ku un orashon ferviente pa Señor pordoná boso e añanan ku a pasa sin ta konsagrá. Pidi Dios yudansa. Si boso busk’É ku deboshon, ku henter boso kurason, lo boso hañ’É, i E lo duna boso forsa i bendi-shoná boso (Review and Herald, 7-1-1903).

Esnan humilde i dispuesto pa siña

   Ora di skohe hòmber i muhénan pa Su sirbishi, Dios no ta puntra si nan ta eduká, elokuente, òf riku den biennan di e mundu aki. E ta puntra: Nan ta kana humilde ku asina Mi por siña nan Mi kamindanan? Mi por pone Mi palabranan den nan lepnan? Nan lo ta Mi representantenan?
   Dios por usa kada persona den e midi ku ta posibel pa E basha Su Spiritu den e tèmpel di su alma. E trabou ku Dios ta aseptá ta esun ku ta reflehá Su imágen. Su disipelnan mester hiba komo kredensialnan na e mundu, (73) e karakterístikanan ku no por wòrdu borá di su prinsipionan inmortal (Joyas de los Testimonios, tomo 5, página 145,146. Aña 1902).

Pakiko hopi a frakasá

   E kolportornan mester kombèrtí diariamente na Dios, di manera ku nan obranan i nan echonan por ta sabor di bida pa bida, i ku asina nan por ehersé un influensia ku ta salba. E rason pa kiko hopi a frakasá

 
   
 
Página 56
 
 

den e obra di kolportahe, ta pasobra nan no tabata kristiannan bèrdadero; nan no a konosé e spiritu di kombershon. Nan tabatin un teoria di kon e obra mester a wòrdu hasí, pero nan no tabata sinti ku na tabata dependé di Dios.
   Transformá dor di kontemplashon – Kolportornan, kòrda ku den e bukinan ku boso ta bende boso no ta presentá e kèlki ku tin biña di Babilonia, ku ta e doktrinanan robes ku ta wòrdu ofresí na e reinan di tera, sino e kèlki yen di e bèrdatnan presioso di salbashon. Boso mes lo bebe di dje? Boso mente por ta someté den koutiverio na e boluntat di Kristu, i E por pone riba boso Su mes inskripshon. Dor di kontemplá Kristu, boso por ta transformá di gloria na gloria, di karakter na karakter. Dios ke pa boso pasa dilanti, i papia e palabranan ku E ta duna boso. E ke pa boso demostrá ku boso ta stima (74) humanidat masha hopi, kual a wòrdu kumprá ku e sanger presioso dje Salbador. Ora boso kai riba e baranka i wòrdu kibrá, boso lo eksperimentá e poder di Kristu, i otronan lo rekonosé e poder di bèrdat den boso kurason (Id., tomo 2, página 536. Aña 1900).

Bisti Kristu

   Ningun hende por ta un ganadó di alma ku éksito te ora ku e mes no a resolvé e problema di entregá su mes na Dios. Kada unu individualmente mester bisti Señor Hesukristu. Pa kada un di nos E mester yega di ta nos sabiduria, hustifikashon, santifika-shon i salbashon. Ora ku nos fe gara na Kristu komo nos Salbador personal, nos lo present’É na otronan

 
   
 
Página 57
 
 

den un lus nobo. I ora e hendenan kontemplá Kristu manera E ta, nan lo no diskutí riba teorianan; nan lo kore bai serka dj’E pa haña pordon, puresa i bida eterno.
   E pió difikultat ku e kolportor por topa kuné ta ora e topa e almanan aki yen di deseo, i e mes no a kombèrtí; ku e mes no konosé pa eksperensia e amor di Kristu ku ta pasa tur komprendementu. Si e mes no tin e konosementu aki, kon lo e por konta otronan di e historia presioso i antiguo? Mester siña e hendenan e esensia mes di e fe bèrdadero, e manera di aseptá Kristu i konfia (75) den dj’E komo e Salbador personal. Nan mester sa kon pa sigui Su stapnan na unda parti ku E bai. Laga e pianan di e obrero sigui e stapnan di Hesus paso a paso, i no mustra otro kaminda pa shelu….
   Guia hendenan na e Redentor. -Hopi di esnan ku ta profesá di ta kristiannan a separá for di Kristu, e gran sentro i nan mes a bira e sentro; pero si nan ke éksito pa atraé otronan na e Salbador, nan mes mester bai serka dj’E, i sinti ku nan ta dependé totalmente di Su grasia. Satanas a trata te n’e máksimo di rèk e kadena ku ta uni hende ku Dios; e ta deseá di mara e almanan na su mes un garoshi, pa asina nan bira katibunan na su sirbishi: pero nos mester traha kontra dje, i hiba e almanan na e Redentor (Manual for Canvassers, página 38,39. Aña 1902).

Un alma hibá na Hesus ku tur siguridat

   Ora un alma wòrdu hibá na Kristu pa medio di e trabou personal aki, permití pa Dios obra den e kura-

 
   
 
Página 58
 
 

son ku a entregá i a humiá su mes; permití pa Dios mustr’é pa duna un sirbishi ku E ta konsiderá adekuá. Dios a primintí ku Su grasia lo ta sufisiente pa kada unu di esnan ku bini serka dj’E. Esnan ku entregá nan mes na Hesus, esnan ku habri e porta dje kurason i invit’E pa drenta, lo ta sigur. E ta bisa: “Ami ta e (76) kaminda, i e bèrdat, i e bida; ni un hende no ta bin serka e Tata, sino pa medio di Mi” (Huan 14:6) Ora nan tin Kristu, nan tin e bèrdat. Nan lo ta kompleto den dj’E (Ibid.).

Apsoluto honrades

   Si e kolportor sigui un kondukta ekiboká, si e ta bisa falsedat òf ta praktiká engaño, e ta pèrdè rèspèt propio. Tal bes e no ta konsiente ku Dios ta mir’é i konosé tur transakshon komersial, ku e angelnan santu ta pisa e motibunan aki i ta skucha su palabranan i ku su rekompensa lo ta di akuerdo ku su obranan; pero si tabata posibel skonde su mal kondukta tantu for di bista di hende komo di Dios, e simpel echo ku e sa esaki, ta degradá su mente i su karakter. Un akto no ta fiha e karakter, pero e ta kibra e barera, i asina e siguiente tentashon lo ta karisiá ku mas rapides, te ora ku finalmente e kustumber di maldat i di deshonestidat den e negoshinan keda formá, i asina e persona no ta digno di konfiansa mas.
   Tin hopi hende, den famia i den iglesia, ku lo duna poko importansia na e inkonsekuensianan públiko. Tin hóbennan ku ta aparentá loke nan no ta. Nan ta parse personanan honrá i ku ta papia bèrdat; pero nan ta manera grafnan blanko i bunita

 
   
 
Página 59
 
 

parti pafó, pero korumpí te den nan kurason. E kurason ta manchá ku piká; i esaki ta e registro ku ta wòrdu presentá den e kortenan selestial (77) Den nan mente a produsí un proseso ku a kria un kayo i a hasi nan sin bèrgwensa. Pero si nan karakter, pisá den e balansa dje santuario, keda deklará fayo den e gran dia di Dios, lo ta un kalamidat ku awor nan no ta komprondé. E bèrdat, presioso i sin mancha, mester ta parti di e karakter.
   Puresa di bida.-Kualke kaminda ku keda eskohí, e kaminda di bida ta yen di peligernan. Si e obreronan den kualke ramo di e kousa bira deskuidá den loke ta trata nan interesnan eterno, nan ta kore e riesgo di un gran pèrdida. E tentador lo haña akseso na nan. Lo e pone redanan pa nan pianan i lo e guia nan pa kamindanan insigur. Solamente esnan ku nan kurasonnan ta wardá ku e prinsipionan puru ta sigur. Nan lo hasi orashon manera David: “Tene mi stapnan den bo kamindanan, pa mi pianan no slep”. Mester tin un konstante bataya kontra egoismo i e korup-shon dje kurason humano. Hopi biaha ta parse ku e malbadonan ta prosperá den nan kaminda; pero esnan ku lubidá Dios, maske ta pa un ora òf un momento, nan ta den un kaminda peligroso. Podisé nan no ta konsiente di nan peliger; pero promé ku nan realisá, e kustumber, manera un kadena di heru, ta tene nan someté na e malu ku kua nan a hunga. Dios ta despresiá nan kondukta, i Su bendishonnan lo no kompaña nan.
   Nos no mester relashoná nos mes ku piká.- Mi a mira ku e hóbennan ta drenta e obra aki (78) sin relasho-

 
   
 
Página 60
 
 

ná nan mes ku shelu. Nan ta pone nan mes den e kaminda di tentashon pa asina mustra nan balor. Nan ta hari e ko’i kènsnan di otronan. Nan konosé e kaminda rekto; nan sa kon pa komportá nan mes. ¡Kon fásil nan por resistí e tentashon! ¡Nan no ta pensa mes den nan kaida! Pero nan no ta laga Dios ta nan defensa. Satanas tin un trampa skondí prepará pa nan, i nan ta bira motibu di bofon di esnan bobo.
   Nos gran atversario tin agentenan ku konstantemente ta buska un oportunidat pa destruí e almanan, manera un leon ku ta buska su presa. Hóben, evitá nan; maske nan ta aparentá di ta boso amigunan, nan lo introdusí di un manera disimulá kustumbernan malu i práktikanan korumpí. Nan ta gababo ku nan lepnan, i nan ta ofresé pa yuda bo i guiabo; pero nan stapnan ta hiba pa fièrnu. Si bo skucha nan konseho, esaki por ta e punto desisivo di bo bida. Un salbaguardiá kitá dje konsenshi, i komplasé un mal kustumber, o un deskuido so di e eksigensianan elevá di e deber, por ta e kuminsamentu di un rumbo engañoso ku lo hiba bo na e filanan di esnan ku ta sigui Satanas, miéntras ku na e mes un momento bo ta bisa di ta stima Dios i Su kousa. Un momento di deskuido, un mal paso so, por hiba tur e koriente di bo bida den e mal kaminda. I por sosodé ku nunka lo bo sa kiko a kousa bo ruina, sino te ora ku e sentensia wòrdu pronunsiá: “Apartá di Mi hasidónan di maldat”. (79)
   Evitá e mal kompanianan.- Algun hóbennan sa ku loke mi a bisa ta deskribí nan kondukta perfektamente. Nan kamindanan no ta skondí pa Señor, aunke esei por ta skondí pa nan mihó amigunan, hasta pa nan

 
   
 
Página 61
 
 

tata i mamanan. Mi tin poko speransa ku algun di e hóbennan aki algun dia lo kambia nan kondukta di hipokresia i di engaño. Otronan ku a ekiboká ta trata di kambia. Mare ku e kerido Hesus yuda nan pa pone nan kara firme kontra tur falsedat i kontra e alabansanan di esnan ku lo debilitá nan propósito di kana korektamente òf di esnan ku ta insinuá duda òf sentimentunan di inkredulidat pa konmové nan fe den e bèrdat. Amigunan hóben, no gasta niun ora den kompania di esnan ku lo stroba boso pa e obra puro i sagrado di Dios. No hasi nada, dilanti di hende straño, ku boso lo no hasi dilanti boso tata òf boso mama, nada di kual boso lo mester tin bèrgwensa dilanti Kristu i e angelnan santu.
   Algun hendenan por pensa ku e opservadornan di sabat no mester di e palabranan di spièrtamentu aki, pero pa esnan ku ta den e situashon aki, sa di loke mi ta papia. Mi ta bisa boso hóbennan, pa boso kuida boso mes; pasobra boso no por hasi nada ku no ta habrí pa e wowonan di e angelnan i di Dios. Boso no por hasi un obra malu, sin ku otronan keda afektá p’e. Miéntras ku boso kondukta ta revelá ki klase di materialnan boso ta usa den edifisio di boso karakter, e ta na e mes un momento (80) un influensia poderoso riba otronan. Nunka boso lubidá e echo ku boso ta pertenesé na Dios, ku E la kumpra boso pa un preis i ku boso mester dun’E kuenta di tur e talentonan ku E la konfia boso. Ningun persona ku nan mannan ta manchá ku piká por tin parti den e obra di kolportahe, òf ku nan kurason no ta den armonia ku Dios, pasobra e personanan aki, seguramente lo deshonrá e kousa di e bèrdat. Esnan ku ta

 
   
 
Página 62
 
 

obreronan den e kampo misionero, mester laga Dios guia nan. Nan mester ta kuidadoso pa kuminsá bon i despues keda silensioso i firme den e kaminda korekto. Nan mester ta disididu, pasobra Satanas ta determiná pa tumba nan i e ta perseverante den su esfuersonan pa logra esaki (Testimonies, tomo 5, página 396-399. Aña 1885).

Konstante dependensia di Dios

   Esun ku den su obra ta haña prueba i tentashonnan mester saka probecho di e kosnan aki i siña na konfia mas plenamente den Dios. E mester sinti ku e ta dependé di djÉ den tur momento.
   E no mester warda keho den su kurason ni ekspresá nan ku su lepnan. Ora e tin éksito, e no mester tuma e gloria, pasobra su éksito ta debí ku e angelnan di Dios ta obra den e kurasonnan. Lag’é kòrda ku tantu durante e momentonan bon (81) komo durante esnan ménos bon, e mensaheronan selestial ta semper na su banda. E mester rekonosé e bondat di Dios, i alab’É ku alegria.
   Kristu a pone Su gloria un banda, i a bini na e tera aki pa sufri pa e pekadornan. Si nos haña difikultat den nos trabou, laga nos mira na Esun ku ta e Outor i Guiadó di nos fe. Asina lo nos no frakasá ni lo nos pèrdè kurashi. Nos lo soportá e difikultatnan komo bon sòldánan di Hesukristu. Laga nos kòrda loke E ta bisa di tur e kreyentenan bèrdadero: “Pasobra nos ta Dios Su kolaboradornan; boso ta Dios Su kunuku, Dios Su edifisio” (1 Korintionan 3:9) (Joyas de los Testimonios, tomo 2, página 550.

 
   
 
Página 63
 
 

Aña 1900).

E mayor nesesidat di mundu

   E mayor nesesidat di mundu ta di hendenan ku no ta wòrdu bendé ni kumprá; hendenan ku ta sinsero i honrado den lo mas íntimo di nan alma; hendenan ku no tin temor pa duna piká e nòmber ku e meresé; hendenan ku nan konsenshi ta asina leal na e deber manera e kompas ku ta mustra na e polo; hendenan ku ta para firme na parti di e hustisia maske shelunan bin abou (La Educación, página 54. Aña 1903).

(82)