KAPÍTULO # 8
PLENAMENTE PREPARÁ

 

   
   
 
Página 64
 
 

Un preparashon kabal

   Un obra hopi mas efisiente por wòrdu hasí den e kampo di kolportahe ku loke a keda hasí te awor. E kolportor no mester ta satisfecho si e no ta progresando konstantemente. E mester tin un preparashon, pero e no mester konformá su mes ku un kantidat di palabranan ku nunka ta kambia; e mester duna Señor e oportunidat di kolaborá ku su esfuersonan i asina impreshoná su mente. E amor di Hesus obrando den su kurason, lo kapasit’é pa planeá medionan pa por tin akseso na personanan i famianan (Testimonies, tomo 5, página 396. Aña 1885).
   Mester prepará un ekipo di kolportornan ku instrukshon kompleto i práktiko pa hiba e publika-shonnan ku ta sali di e prensa (Carta 66, 1901).

E konosementu di e Palabra di Dios

   Mester tin un konosementu di e bèrdat di e Palabra di Dios wardá den mente di tur hende, pa asina nan por ta prepará pa presentá, den kualke momento ku (83) tin mester, kosnan nobo i bieu for di e tesoro aki (Testimonies, tomo 4, página 415. Aña 1880).

Konosementu di e buki ku boso ta bende

   E kolportornan mester konosé masha bon e buki

 
   
 
Página 65
 
 

ku nan ta bende i nan mester por splika e kapítulonan importante (Joyas de los Testimonios, tomo 2, página 554. Aña 1900).

Kultura di mente i kurason

   Tin mester di hóbennan ku ta hendenan di komprenshon, ku ta apresiá e fakultatnan intelektual ku Dios a duna nan, i pa nan kultiv’é ku hopi kuidou. Dor di usa e fakultatnan aki, e ta bira fuerte i si no deskuidá e kurason, e karakter lo ta bon ekilibrá. E medionan di progreso ta na alkanse di tur. No laga niun hende anto duna e Maestro un chasko ora E bini pa buska fruta, E haña solamente blachi. Un propósito firme, santifiká pa e grasia di Kristu, lo obra maravia (Testimonies, tomo 5, página 403. Aña 1885).
   Laga e kolportornan estudiante ta fiel, pa nan siña tin éksito den nan trabou. Miéntras nan ta traha, laga nan tene nan wowo, orea i komprondementu habrí pa risibí sabiduria di Dios, asina ku nan por yuda esnan ku ta bai pèrdí pa falta di konosementu di Kristu; kada obrero mester konsentrá su energianan (84) i usa nan inteligensia pa e sirbishi mas alto, ku ta konsistí den salba hendenan for di e trampanan di Satanas i uni nan ku Dios, segurando asina e kadena di nan dependensia pa medio di Hesukristu na e trono rondoná pa e regenbog di promesa (Joyas de los Testimonios, tomo 2, página 555. Aña 1900).

Responsabilidat di e maestronan i di e kolportornan

   E maestronan den e obra di kolportahe tin gran

 
   
 
Página 66
 
 

responsabilidat. Esnan ku ta komprondé nan posi-shon korektamente, lo dirigí i siña esnan ku ta bou di nan kuidou ku un sentido di responsabilidat personal i lo inspirá nan pa ta fiel den e kousa. Nan lo hasi hopi orashon, pasobra nan ta komprendé ku nan palabranan i akshonnan ta hasi impreshon ku lo no wòrdu borá ku fasilidat, sino ku nan lo pèrmanesé pa eternidat. Nan lo realisá ku ningun otro por bini despues di nan pa drecha nan erornan, òf pa yena nan bashí. Kon importante ta anto, pa e tema, e manera i e spiritu di e maestro, por ta di akuerdo ku e instrukshonnan dibino (Review and Herald, 20-5-1890).

Pa ta eduká i prepará

   E presidèntnan di nos asosiashonnan i otro personanan ku, tin posishonnan di responsabilidat, (85) nan tin un deber pa kumpli den e asuntu aki, pa asina e diferente ramonan di nos obra por risibí e mes un atenshon. Mester eduká i prepará kolportornan pa hasi e obra indispensabel di bende e bukinan ku tin e bèrdat presente ku e hendenan tin mester di dje. Ta nesesario pa personanan di un profundo eksperensia kristian dediká nan mes na e obra aki, personanan ku nan mente ta bon ekilibrá, fuerte i bon eduká. Señor ta deseá pa esnan ku ta kapas pa siña otronan drenta den kolportahe, pa por lanta interes di hóbennan kapas, di un sekso òf otro den e ramo di e obra aki i animá nan pa kuminsá kolportá ku éksito. Algun di nan tin e talento, edukashon i e eksperensia ku lo hasi nan kapas pa eduká hóbennan pa kolportá di tal manera ku por

 
   
 
Página 67
 
 

logra hopi mas di loke awor ta keda logra.
   Esnan ku tin eksperensia huntu ku esnan ku no tin. -Esnan ku a gana eksperensia den e trabou aki tin un deber speshal pa kumpli den loke ta trata siña otronan. Eduká, eduká, eduká hóbennan di un sekso i otro pa nan bende e bukinan ku e sirbidónan di Señor a skirbi, guiá pa e Spiritu Santu. Señor ta deseá pa nos ta fiel den eduká esnan ku aseptá e bèrdat, pa nan kere ku un propósito i traha ku inteligensia segun e método di Señor. Laga e personanan sin eksperensia relashoná nan mes ku e obreronan (86) di eksperensia pa asina nan siña traha. Buska Señor ku masha deboshon. Nan por hasi un bon obra den kolportahe si nan obedesé e palabranan: “Paga bon tinu na bo mes i na e doktrina” (1 Timoteo 4:16). Esnan ku duna evidensia ku di bèrdat nan a kombèrtí, i kuminsá den e obra di kolportahe, lo mira ku esaki ta e mihó preparashon pa otro ramonan di e trabou misionero.
   Si esnan ku konosé e bèrdat i ta deseá na praktik’é, nan lo ideá métodonan pa haña e hendenan na unda ku nan ta. Tabata Dios Su providensia ku na kuminsamentu di e iglesia kristian a plama e santunan i a pone nan sali di Yerusalèm i bai hopi parti di mundu. E disipelnan di Kristu no a keda na Yerusalèm ni den e statnan serka, sino ku nan a pasa e límitenan di nan mes pais i a sigui e kamindanan grandi di komunikashon, i buska e pèrdí nan pa hiba nan na Dios. Awe Señor ta deseá di mira Su obra keda realisá den hopi lugá. Nos no mester limitá nos trabounan na un poko lugá so (Joyas de los

 
   
 
Página 68
 
 

Testimonios, tomo 2, página 545. 546. Aña 1900).

Di dos i dos

   E kolportornan mester wòrdu mandá di dos i dos. E obreronan sin eksperensia mester bai ku esnan ku tin mas eksperensia, i ku por yuda nan. Nan por kòmbersá (87) huntu i studia e Palabra di bida huntu, i hasi orashon un pa otro. I di e manera aki, nan dos, e kristian mas hóben i esun di mas edat, lo risibí e bendishon di Dios (Manual for Canvassers, página 17. Aña 1902).

Den e sirbishi di Dios

   E kolportornan mester wòrdu impreshoná pa e echo ku e obra di kolportahe ta nèt e trabou ku Señor ta deseá pa nan hasi. Nan mester kòrda ku nan ta den sirbishi di Dios.
   Mester di un esfuerso grandi; mester duna instrukshon; mester laga e obreronan sinti e importansia di e obra. Nan tur mester tin e spiritu di ninga mes i di sakrifisio propio ku tabata e ehèmpel den e bida di nos Redentor.

   E di seis kapítulo di Isaias. -Laga e kolportornan lesa e kapítulo seis di Isaias, i laga nan saka probecho di Su enseñansanan: “E ora ei mi a bisa: “Ai di mi, pasobra mi ta ruiná! Pasobra mi ta un hòmber di lep no puru, i mi ta biba meimei di un pueblo di lep no puru; pasombra mi wowo a mira e Rei, e Señor di ehérsitonan.” E ora ei un di e serafinnan a bula bin serka mi, ku un karbon sendí den su man ku el a

 
   
 
Página 69
 
 

kohe ku pins for di e altar. I kuné el a mishi ku mi boka i a bisa: “Mira, esaki a mishi ku bo lepnan; i bo maldat ta kitá, i bo piká ta pordoná.” Despues mi a tende e bos di Señor ta puntra: “Ken lo Mi (88) manda i ken lo bai pa Nos? E ora ei mi a kontestá: “At’ami aki! Manda mi!”
   E presentashon aki ta wòrdu ripití bes tras bes. Señor ta deseá pa hopi persona ku ta konsagrá, tuma parti den e obra grandioso aki, esnan ku nan kurasonnan ta humilde, ku ta dispuesto pa traha den kualke ramo di trabou ku tin mester di nan sirbishi (Id. Página 18,19. Aña 1902).

Progresonan konstante

   E siguidó di Hesus lo mehorá konstantemente su modalnan, kustumbernan, spiritu i trabou. Esaki ta wòrdu lográ fihando su bista, no riba progresonan eksterno i superfisial, sino riba Hesus. Lo tin un transformashon den e mente, e spiritu, e karakter. E kristian ta wòrdu eduká den e skol di Kristu pa anhelá e grasia di Su Spiritu siendo mansu i humilde. E ta prepará pa asosiá su mes ku e angelnan selestial (Obreros Evangélicos, página 300. Aña 1915).
   Dios ta deseá pa nos probechá kada oportunidat pa prepará nos mes pa Su obra. E ta spera pa nos dediká tur nos energia pa realisá e trabou ei, i pa nos mantené nos kurasonnan suseptibel na Su karakter tan sagrado i Su responsabilidatnan serio (El Ministerio de Curación, página 398. Aña 1905).

(89)