Un obra nobel i di altura

   E obra di kolportahe ta e medio ku Dios a indiká pa alkansá hopi hende ku di otro manera e bèrdat lo no a impreshoná. E obra ta bon, i su ophetivo ta nobel i di altura; pa e motibu ei e komportamentu tambe mester ta digno. E kolportor lo topa ku hendenan di diferente pensamentu. Lo e topa ku hendenan ignorante i malu, ku no por apresiá nada ku no ta produsí plaka. Esakinan lo ta ofensivo, pero e no mester hasi nan kaso. Nunka e mester pèrdè pasenshi; lo e enfrentá tur difikultat ku alegria i speransa. Lo e topa ku personanan afligí i desanimá, ku kurason tristu i heridá. Lo e tin hopi oportunidat pa animá e personanan aki ku palabranan bondadoso ku ta duna speransa i fe. E por ta, si e ke, un fuente ku ta refreská otronan; pero pa e por hasi esaki, e mes mester risibí yudansa di e Fòntein di e bèrdat bibu (Testimonies, tomo 5, página 405. Aña 1885).

Ta peligroso hasi un obra deskuidá

   Lo ta bon pa kada unu sinti un responsabilidat individual den e obra aki. Lo ta bon pa kada unu (90) konsiderá kua ta e mihó manera pa kapta e atenshon, pasobra su manera di presentá e bèrdat por disidí e destino di un alma. Si e hasi un impreshon favorabel, su

influensia por ta pa e alma ei un smak di bida pa bida; i e persona ei, iluminá den loke ta bèrdat, por iluminá hopi mas. P’esei, ta peligroso hasi un obra di un manera deskuidá ora ta trata ku mente di hende (Ibid.).

E nesesidat di energia i entusiasmo

   Entre e personanan ku ta bisa di ta kere e bèrdat presente no tin un spiritu misionero ku ta pas ku nos fe. Ta hasi falta e firmesa dje oro puro den e karakter. Bida kristian ta mas di loke nan ta pensa. E no ta konsistí solamente den bondat, pasenshi, di ta mansu i kortes. Tur esakinan ta esensial; pero tambe tin mester di balor, determinashon, energia i perseveransia. Hopi di esnan ku ta den e obra di kolportahe ta debil, tímido, sin spiritu, i fásil pa desanimá. Nan ta falta kurashi. Den nan karakter nan no tin e rasgonan positivo ku ta duna hende e kapasidat di hasi algu: e spiritu i energia ku ta pone e entusiasmo biba. E kolportor ta okupá den un trabou honorabel, i e no mester aktua manera kos ku e tin bèrgwensa di dje. Si e ta deseá éksito den su esfuersonan, e mester tin balor i speransa.
   Kultivá e birtutnan aktivo.— E birtutnan aktivo mester ta kultivá tantu manera (91) esnan pasivo. Un kristian, aunke semper ta kla pa duna un kontestá suave ku ta kita rabia, mester tin e balor di un héroe pa resistí e malu. Ku e karidat ku ta soportá tur kos, e mester tin forsa di karakter ku ta pone su influensia ta un poder positivo pa bon. Fe mester obra den su karakter. Su prinsipionan mester ta firme; e mester tin un espíritu nobel, ku ta riba tur

sospecha di kosnan baho. E kolportor no mester ta orguyoso. Den su trato ku otro hendenan, e no mester yama nan atenshon riba e mes ku gabamentu; pasobra su kondukta por disgustá e personanan inteligente i sensibel. E no mester tin kustumbernan egoista ni modalnan ku ta preshoná i dominá.
   Usa takto.- hopi hende a disidí den nan mente ku nan no tin tempu pa lesa niun solo buki di kada dies mil ku nan ta drùk. Den hopi kaso ora e kolportor duna na konosé su mishon, e porta di e kurason ta dal sera duru; ta p’esei e mester hasi su obra ku takto, ku humildat i ku spiritu di orashon. E mester konosé e Palabra di Dios i mester ta kla pa presentá palabranan di e bèrdat presioso i mustra e gran balor i puresa dje material di lektura ku e tin (Id., página 404,405. Aña 1885).

Honrades i integridat

   E obrero ku tin e kousa di Dios den su kurason lo no insistí pa risibí salario (92) mas haltu. Lo e no trese preteksto, manera algun di nos hóbennan a yega di hasi, bisando ku a ménos ku nan por presentá nan mes den un forma elegante i den moda i keda den e mihó hotèlnan, hendenan lo no tuma nan na konsiderashon. Loke e kolportor mester, no ta paña elegante, ni aktitut di un hende elegante, ni di esun ridíkulo, sino honrades i puresa di karakter ku ta reflehá den su kara. Amabilidat i kortesia ta laga nan impreshon den e kara, i e wowo di eksperensia lo no mira engaño ni gabamentu den dje.
   Hopi ta esnan ku a drenta e obra di kolportahe

konfiando den e premionan komo e úniko medio pa logra bon éksito. Esakinan no tin mérito bèrdadero komo obrero. Nan no sa kiko ta religion práktiko; nan tin e mes un falta, e mes un gustu i debilidatnan ku a karakterisá nan promé ku nan a pretendé di ta kristian. Di esakinan por bisa ku Dios no ta den nan pensamentunan, ku E no ta biba den nan kurason. Tin miskiña, ko’i mundu, kos baho den nan karakter i kondukta ku ta duna testimonio kontra nan, ya ku nan ta kana den kaminda di nan mes kurason i segun e bista di nan mes wowonan. Nan no ke praktiká apnega-shon, sino ku nan ta disidí pa gosa di bida. E tesoro di shelu no ta atraé nan; tur nan deseonan ta di mundu, i no selestial. Ni amigu ni famianan por yuda tal personanan asina; nan no ta proponé pa despresiá e malu (93) i skohe loke ta bon (Id., página 402. Aña 1885).

Puru, humilde, temperante

   E kolportornan mester tin kultura i modalnan refiná; no e modalnan daña i artifisial di mundu, sino maneranan agradabel ku ta e resultado natural di bondat dje kurason i di un deseo di imitá e ehèmpel di Kristu. Nan mester kultivá kustumbernan kuidadoso, di trabou i diskreshon, i trata di honra Dios logrando e máksimo progreso posibel. Hesus a hasi un sakrifisio infinito pa pone nos den e debido rela-shon ku Dios i ku nos semehantenan; i e ayudo dibino, huntu ku e esfuerso humano, lo kapasitá nan pa alkansá un norma haltu di ekselensia. E kolportor mester ta puru manera Hosé, mansu manera Moises, i temperante manera Daniel; e ora ei lo e tin un

poder ku lo kompañ’é na unda parti ku e bai (Id. Página 396. Aña 1885).

Bistí i modalnan agradabel

   Awor nos tin gran fasilidatnan pa plama e bèrdat; pero nos rumannan no ta probechá di e privilegio ku a wòrdu duná na nan. Nan no ta mira ni sinti den tur e iglesianan e nesesidat di usa nan kapasidat pa salba alma. Nan no ta komprondé ku ta nan deber di buska suskripshon pa nos revistanan, inkluí nos revistanan di salú (94), i tambe introdusí e buki i foyetonan. Mester duna trabou na e hendenan ku ta dispuesto na wòrdu siñá kon ta e mihó manera pa presentá na e persona i e famianan. Nan bistí mester ta limpi pero no vanidoso, i nan modalnan no mester disgustá hende. Entre nos komo pueblo, ta eksistí un gran falta di bèrdadero kortesia. Tur esnan ku ta drenta den e obra misionero, mester kultiv’é (Id., tomo 4, página 391,392. Aña 1880).
   Paña sushi ta trese deshonra riba e bèrdat ku nos ta praktiká. Bo mester konsiderá ku bo ta un representante di Señor Hesukristu. Ku hinter bo bida mester ta den armonia ku e bèrdat bíbliko…. Esaki no ta un asuntu di poko importansia, pasobra e ta afektá bo influensia riba otronan awor i pa eternidat. Bo no por spera ku Señor lo duna bo kompleto éksito pa gana alma p’E a ménos ku tur bo modalnan i bo presentashon ta di tal naturalesa ku ta konkistá rèspèt. E bèrdat ta keda engrandese asta pa e impreshon kousá pa e manera di ta limpi bisti (Carta 336, 1908).

   E personanan ku tin mal manera no ta kapasitá pa e obra aki. Esnan ku tin éksito lo ta hòmber i muhénan ku tin takto, un bon trato, komprenshon skèrpi i un mente kapas di diserní, i ku ta komprendé e balor di e almanan (Manual for Canvassers, página 15. Aña 1902). (95)

Kortesia kristian i un spiritu servisial

   E kolportor mester hasi tur esfuerso di su parti pa permití pa e lus di e bèrdat bria pa medio di e bon obreronan. Miéntras e ta kumpli su debernan e mester plama rondó di dje e aroma di kortesia kristian, hasiendo uso di tur oportunidat pa realisá aktonan di sirbishi i di ayudo. E mester kustumbrá na papia den forma kla i ku ta hasi impreshon. Tur dia e mester siña den e skol di e gran Maestro. Sigur Kristu lo yuda esnan ku ta skonde den djE i ta dependé di djE pa haña fortalesa (Review and Herald, 16-6-1903).

Un komportamentu kuidadoso

   Nos ministronan i tur esnan ku ta praktiká e bèrdat, mester tin un aktitut desidido pa alsa e nivel baho ku algun hendenan ta parse kla pa adoptá den loke ta trata nan palabranan i komportamentu. Den hopi kaso e aktitut aki no ta pas di ningun manera ku e bèrdatnan santu ku nos ta praktiká. Hopi persona ku no ta kombertí ta sinti nan mes kapasitá pa ta kolportor. Nunka nan a sinti e grasia di Kristu ku ta transformá. Nan no ta puro. Nan ta biba un bida diario deskuidá i di piká. Nan práktikanan ta di tal manera ku lo pone e angelnan santu tapa nan kara. Nos mester alkansá un

norma mas haltu, sino nos lo ta un mancha pa e kousa (96) di Dios i un piedra di trompeká pa e pekadornan (Carta 261, 1887).

Ehèmpelnan den reforma pro salú

   Den nos trato ku e inkrédulonan, nos no mester pèrmití pa nan apartá nos dje prinsipionan korekto. Ora nos ta na mesa ku nan, laga nos kome ku moderashon, i únikamente alimentonan ku no ta konfundí nos mente. Laga nos evitá intemperansia. Nos no mester debilitá nos fakultatnan mental òf físiko, i asina bira inkapas pa diserní kosnan spiritual. Laga nos tene nos mente den tal kondishon pa Dios por graba e bèrdatnan presioso di Su Palabra.
   Di e manera aki nos lo tin influensia riba otronan. Hopi ta trata di korigí bida di otronan i ta ataká e kustumbernan ku pa nan ta malu. Nan ta bai serka esnan ku nan ta pensa ku ta den eror, nan ta mustra nan, nan defektonan, pero nan no ta hasi un esfuerso ferviente i na punto pa dirigí e mentenan na e prinsipionan bèrdadero. Un kondukta asina hopi bes ta laga di haña e resultadonan deseá. Ora nos trata di korigí otronan, hopi biaha nos ta lanta nan spiritu di kombate i asina nos ta hasi mas malu ku bon. No laga nos vigilá otronan pa mustra nan, nan faltanan òf erornan. Laga nos siña dunando ehèmpel. Laga nos apnegashon i nos viktoria riba apetit ta un ilustrashon kon pa obedesé e prinsipionan korekto. Laga nos pèrmití pa nos bida duna testimonio di e influensia ku ta hasi e (97) bèrdat santu i nobel (Joyas de los Testimonios, tomo 2, página 551,552. Aña 1900).

Grasia di Spiritu Santu

   Den Su gran amor, Dios ta trata na desaroyá den nos e grasia presioso di Su Spiritu. E ta pèrmití pa nos topa ku opstákulonan, persekushon i opreshon, pero no komo un maldishon, sino komo e bendishon di mas grandi di nos bida. Kada tentashon ku nos resistí, kada aflikshon ku nos soportá ku balor, lo duna nos eksperensia nobo i lo hasi nos progresá den e tarea di edifiká nos karakter. E alma ku resistí tentashon pa medio di e poder dibino ta revelá na mundu i na e universo selestial e efikasia di e grasia di Kristu (El Discurso Maestro de Jesucristo, página 95,96. Aña 1896).

Un “atmósfera” personal

   Kada alma ta rondoná di un atmósfera propio, di un atmósfera ku por ta saturá dje poder ku ta duna bida na fe, balor i speransa, i ta hasié dushi pa e fragansia di amor. Òf e por ta pisá i friu pa e sombra di malkontentu i egoismo, òf ta venená pa e kontaminashon fatal di un piká karisiá. Tur hende ku nos ta relashoná kuné, ta keda konsiente òf inkonsientemente, afektá pa e atmósfera ei (Lecciones Prácticas del Gran Maestro, página 310. Aña 1900). (98)

Karakter ta poder

   Karakter ta poder. E testimonio silensioso di un bida sinsero, apnegá i piadoso, tin un influensia kasi iresistibel. Ora ku nos revelá den nos propio bida e karakter di Kristu, nos ta koperá kunÉ den e obra di salba almanan. Solamente revelando Su karakter den nos bida, nos por koperá kunÉ. I kuantu mas

amplio ta e esfera di nos influensia, mas lo ta e bon ku nos por hasi (Id., página 311 Aña 1900).

Mes un fiel manera e kompas ta mustra na e polo

   Ku Señor por yuda kada un pa probechá te na e máksimo e talentonan ku a wòrdu konfiá na su kuidou. Esnan ku ta traha den e obra aki no ta studia nan Beibel manera mester ta. Si nan tabata hasi asina, nan siñansanan práktiko lo tabata tin un influensia positivo riba nan bida. No importá boso trabou, mi rumannan hòmber i muhé stimá, hasié manera ta pa e Maestro, i hasié di e mihó manera posibel. No laga e gran oportunidatnan aktual pasa bai miéntras ku boso bida ta resultá un frakaso ora boso ta sinta pòrnada ta soña ku komodidat i éksito den un trabou pa kua nunka Dios a kapasitá boso. Hasi e obra ku mas boso tin na man. Hasié, aunke boso mester enfrentá peliger i aflikshon den e kampo misionero; pero mi ta roga boso pa boso no keha di e aflikshon i sakrifisionan. Konsiderá (99) e Valdensenan. Mira ki plannan nan tabata idea pa asina e lus di e Evangelio por a bria den e mentenan skur. Nos no mester traha ku e ekspektativa di risibí rekompensa den e bida aki, sino ku nos wowonan ketu bai fiho riba e premio ku ta warda nos na final di e kareda. Awor tin mester di hòmber i muhénan ku ta asina fiel na e deber manera e kompas ta marka na e polo, hòmber i muhénan ku ta traha sin ku nan kaminda ta drechá i sin ku tur opstákulo a wòrdu kitá.
   Ora boso ta biba boso fe.- Mi a deskribí loke e kolportornan mester ta; i ku Señor por habri nan mente pa

nan komprondé e tema aki den tur su ekstenshon, i mare ku nan por komprendé nan deber di representá e karakter di Kristu dor di nan pasenshi, balor i integridat ku no ta kambia. Kòrda ku boso por ninga Kristu ku un karakter floho, sin interes i falta di desishon. Hóbennan, si boso bai ku e prinsipionan aki na e kampo di kolportahe, boso lo ta respetá; i hopi lo kere e bèrdat ku boso ta defendé, pasobra boso ta biba boso fe; pasobra boso bida diario ta un lus ku ta bria poné riba un kandelá, ku ta lusa tur esnan ku ta den kas. Asta boso enemigunan lo respetá boso aunke nan ta bringa boso doktrina; i ora boso a haña e viktoria aki, boso palabranan simpel lo tin poder i lo hiba konvikshon na e kurasonnan (Testimonies, tomo 5, página 406,407. Aña 1885).

(100)