Hasi orashon pa un eksperiensha mas profundo

   Na nos kolportornan, i na tur esnan ku Dios konfia talentonan pa koperá ku n’E, mi ke bisa nan: Hasi orashon, o, hasi orashon pa un eksperiensha mas profundo. Sali ku un kurason konmoví i dominá pa e estudio di e bèrdatnan presioso ku Dios a duna nos pa e tempu aki. Bebe na gran kantidat di e awa di salbashon, pa asina e por ta den boso kurason manera un fòntein bibu, ku ta kore pa refreská e almanan ku ta na punto di bai pèrdí. Anto Dios lo duna boso sabiduria ku ta kapasitá boso pa komuniká loke ta rekto na otronan. Lo E hasi boso kanalnan pa komuniká Su bendishon. Lo E yuda boso pa revelá Su atributonan i parti na otronan e sabiduria i komprendementu ku E la duna boso.
   Mi ta roga Dios pa boso por komprendé e asuntu aki den su largura, anchura i profundidat i pa boso sinti boso responsabilidat di representá e karakter di Kristu pa e perseveransia di boso pasenshi, balor i integridat. “I e pas di Dios, ku ta surpasá tur komprendementu, lo warda boso kurason i boso mente den Kristu Hesus” (113) (Filipensenan 4:7) (Joyas de los Testimonios, tomo 2, página 539. Aña 1900).

Hasi orashon humildemente i ku deboshon

   E orashon humilde i ferviente lo hasi hopi mas na

fabor dje sirkulashon di nos bukinan ku tur e adornonan kostoso di mundu. Si e obreronan dediká nan atenshon na loke ta bèrdadero, bibu i real, si nan pidi pa e Spiritu Santu, kere i konfia den dj’E, Su poder lo basha riba nan, manera poderoso áwaseru selestial, i lo tin impreshonnan korekto i bèrdadero riba e kurason humano. P’esei hasi orashon i traha, i traha i hasi orashon, i Señor lo obra ku boso (Id., página 538. Aña 1900).
   Satanas ta den boso kaminda. E ta un enemigu astuto, i e spiritu malu ku boso ta trompeká kuné den boso trabou ta wòrdu inspirá p’e. Esnan ku e ta dirigí ta ripití su palabranan. Si por a kita e velo for di wowo di esnan ku ta traha, nan lo a mira Satanas ta usa tur su artenan pa gana nan p’é mes i kita nan for di e bèrdat. Den e trabou di salba almanan for di su engañonan, hopi por wòrdu hasí pa medio di ora-shon humilde ku e spiritu di Kristu, ku usa hopi palabra sin orashon.
   Hasi orashon konstantemente.- E obreronan mester tin e alma konstantemente alsa na Dios den ora-shon. Nunka nan ta so. Si nan tin fe den Dios, (114) si nan ta konsiente ku na nan a wòrdu konfia e obra di duna e pueblo e lus riba e temanan bíbliko, nan lo gosa konstantemente di e kompania di Kristu (Manual for Canvassers, página 40. Aña 1902).

E poder di orashon perseverante

   Jacob a vense, pasobra e tabata perseverante i desidido. Su eksperensia ta duna testimonio dje poder di insistí den orashon. Esaki ta e tempu ku nos

mester siña e lès di e orashon ku ta triunfá i di e fe ku no por wòrdu vense. E mayor viktorianan, di e iglesia di Kristu òf dje kristian, no ta esnan ganá pa medio di talento òf edukashon, rikesa òf fabor di hende. Ta e viktorianan ku ta ganá den e kamber di oudiensia ku Dios, ora ku fe ferviente ta agonisá i ta tene e brasa poderoso di e omnipotensia.
   Esnan ku no ta dispuesto pa laga tur piká i buska e bendishon di Dios seriamente, lo no alkans’é. Pero pa tur esnan ku ta tene duru na e promesanan di Dios manera Jacob a hasi, i ta asina sinsero i konstante manera e ta tabata, nan lo alkansá e éksito ku e la logra (Patriarcas y Profetas, página 201,202. Aña 1890).

Tur difikultat ta un yamada pa hasi orashon

   E kaminda di sinseridat i di rektitut no ta un kaminda liber di opstákulo, pero den (115) tur difikultat nos mester mira un invitashon pa hasi ora-shon (El Deseado de Todas las Gentes, página 620,621. Aña 1898).

Orashon huntu ku estudio di e Beibel ta esensial

   Satanas sa masha bon ku tur esnan ku e por pone nan deskuidá orashon i estudio di e Skritura Santu, lo wòrdu vensé pa su atakenan. Ta p’esei e ta inventá tur e trampanan ku ta posibel pa tene e mentenan distraí (El Conflicto de los Siglos, página 573. Aña 1888).
Esnan ku ta bistí ku tur e bisti di guera di Dios i ta dediká algun tempu tur dia na meditá i hasi orashon i studia Skrituranan, nan lo ta konektá ku Shelu i nan lo tin un influensia ku ta salba i trans-

formá, riba esnan ku ta rondó di nan (Testimonies, tomo 5, página 112. Aña 1882).

Hasi orashon ku e hendenan

   Hopi ta esnan ku pa kousa di prehuisio lo no konosé e bèrdat a ménos ku e bèrdat wòrdu hiba na nan kas. E kolportor por haña e almanan aki i sirbi nan. Tin un ramo di trabou di kas pa kas ku por wòrdu realisá ku mas éksito ku e otronan. E por relashoná ku e hendenan i komprondé asina nan bèrdadero nesesidatnan; i por hasi orashon ku nan i mustra nan e Lamchi di Dios ku ta kita (116) piká di mundu. Asina anto e kaminda ta habrí pa e mensahe espesial pa e tempu aki haña lugá den e kurasonnan (Joyas de los Testimonios, tomo 2, página 533. Aña 1900).

Pa medio di orashon i kanto

   E obra dje kolportor evangéliko, kua su kurason ta yen di e Spiritu Santu, ta yen di posibilidatnan maravioso pa bon. E presentashon di e bèrdat di kas pa kas, ku amor i humildat ta di akuerdo ku e instrukshon ku Kristu a duna na Su disipelnan ora E la manda nan den nan promé biahe misionero. Pa medio di e kantonan di alabansa, i pa orashonnan humilde i ferviente, hopi lo keda alkansá. E Obrero divino lo ta presente pa duna konvikshon na e kurasonnan. “Ata mi ta ku boso semper”, ta Su promesa. Ku e seguridat di e presensia permanente di un yudadó asina, nos por traha ku fe, speransa i balor (Testimonies, tomo 9, página 34. Aña 1909).

(117)