SEKSHON III
E KOLPORTOR EVANGÉLIKO DEN AKSHON


KAPÍTULO # 13
PUNTONAN DI BENTA

 

   
   
 
Página 94
 
 

Pa introdusí nos bukinan

   Otro editorialnan tin sistemanan regular pa introdusí riba e merkado bukinan ku no ta di ningun balor importante. “Yunan di e siglo aki ta mas sabí den nan generashon ku e yunan di lus”. Briante oportunidatnan ta yegá kasi tur dia den kua e mensaheronan silensioso di e bèrdat por wòrdu introdusí meimei dje famianan i wòrdu bendé na e hendenan; pero esnan ku ta floho i deskuidá no ta probechá e oportunidatnan aki. Tin poko predikadónan bibu. Tin unu so, kaminda ku mester tabatin shen. Hopi ta kometé un eror grave dor di no pone nan talento pa wòrdu usá den e obra di buska i salba alma di nan semehante. (118)
   Sentenar di hendenan mester ta okupá den hiba e lus den nos siudatnan, puebel i barionan. Mente di e públiko mester wòrdu sagudí. Dios ta bisa: manda e lus tur kaminda dje kampo. E la disidí pa hende ta

 
   
 
Página 95
 
 

kanalnan di lus, i pa nan hiba e lus pa esnan ku ta den skuridat (Testimonies, tomo 4, página 389. Aña 1880).
   Mester organisá kampañanan di kolportahe pa bende nos publikashonnan, pa e mundu por sa loke ta warda nos den un futuro inmediato (Review and Herald, 2-6-1903).

E sirkulashon ta oumentá e demanda

   Nos editorialnan mester karakterisá nan mes pa un prosperidat marká. Nos rumannan por sostené nos editorialnan si nan mustra un interes desidido den hiba nos publikashonnan n’e merkado.… Mas amplio e sirkulashon di nos publikashonnan ta, mas demanda lo tin di e bukinan ku ta aklará e Skrituranan berdadero. Hopi ta esnan ku ta disgustá ku e inkonsistensia, erornan i apostasía di e iglesianan, i ku e fiestanan, benta di karidat, loteria i yen di invenshonnan pa kolekta sèn pa e iglesia. Tin hopi ku ta buska e lus den e skuridat. Si nos revista, foyeto i bukinan ku ta ekspresá e bèrdat den e simpel idioma bíbliko, por a wòrdu poné ampliamente den (119) sirkulashon, hopi hende lo haña ku e publikashonnan ei ta eksaktamente loke nan tin mester. Pero hopi di nos rumannan ta obra manera kos ku e hendenan mester bai serka nan òf bai na nos ofisinanan pa haña e publikashonnan, ora ku miarnan no sa mes ku nan ta eksistí.
   Halsa balor di e bukinan.- Dios ta pidi Su yunan pa nan obra komo hòmbernan bibu i no ta sin sentimentu, floho i indiferente. Nos mester hiba e publi-

 
   
 
Página 96
 
 

kashon na e personanan i papia ku nan pa nan aseptá nan, mustrando nan ku nan lo risibí muchu mas ku e balor di nan sèn. Eksaltá e balor di e bukinan ku boso ta ofresé. Nunka boso lo por alsa nan demasiado (Testimonies, tomo 4, página 392. Aña 1880).

Preisnan di nos publikashonnan

   Algun kosnan di grave importansia no a risibí e debido atenshon den nos ofisinanan di publikashon. Hòmbernan ku ta okupá puestonan di responsabilidat mester a traha plannan pa medio di kua nos bukinan por a wòrdu poné den sirkulashon i no keda den e rèkinan, para por nada despues di a sali di prensa. Nos rumannan ta keda atras i no ta kana pareu ku e oportunidatnan ku e providensia di Dios ta habrí.
   Hopi di nos publikashonnan a drenta merkado ku un preis asina abou (120) ku e ganashinan no ta sufisiente pa sostené e ofisina i mantené un bon fondo pa por sigui funshoná. Nos rumannan ku no tin un interes speshal pa e diferente ramonan di trabou…. no ta buska pa sa kua ta e nesesidatnan di e kousa i e kapital ku tin mester pa mantené e kompania den movementu. Nan no ta komprondé e posibilidat di e pèrdidanan i e gastunan ku ta sosodé tur dia den e institushonnan. Ta parse ku nan ta pensa ku tur kos ta move sin masha trabou òf sin nesesidat di medionan, i ta p’esei nan ta mustra riba e nesesidat di pone e preisnan mas abou pa nos publika-shonnan, lagando asina un márgen chikitu.
   I despues ku e preisnan a keda baha na sifranan

 
   
 
Página 97
 
 

kasi di ruina, nan ta manifestá solamente un interes debil den oumentá e benta di e mes un bukinan pa kua nan a pidi un preis asina abou. Despues di a logra nan opheto, nan preokupashon ta stòp, ora ku nan mester tin un interes bibu i bèrdadero buskando pa promové e benta di e publikashonnan, sembrando asina e simia di e bèrdat i tresiendo medionan na e ofisinanan pa invertí den otro publikashonnan.
   Ministronan a deskuidá e deber den gran manera dor di no a interesá e iglesianan di e distritonan kaminda nan ta traha, di e asuntu aki. Asina baha e preis di e bukinan, ta bira difísil (121) pa bolbe oumentá nan te oranan alkansá un base ku ta kompensá e gastunan, miéntras ku hòmbernan di mente será lo sklama ku ta trata di spekulashon, sin komprondé ku ningun hende ta keda benefisiá, i ku e instrumèntnan di Dios no mester keda sin wòrdu usa pa falta di kapital. Bukinan ku mester ta ampliamente poné den sirkulashon ta para pòrnada den nos ofisinanan di publikashon pasobra no a manifestá sufisiente interes den hasi nan sirkulá.
   Prensa ta un poder; pero si su produkto muri pa falta di hòmbernan ku mester ehekutá plannan pa hasi nan sirkulá ampliamente, lo e pèrdè su poder. Aunke tabatin un komprendementu skèrpi pa sa e nesesidat di hasi plannan pa multipliká e bukinan i foyetonan, a deskuidá e plannan pa asina e medionan usá por bini bèk, pa asina por produsí otro publikashonnan. E poder di prensa, ku tur su bentahanan, ta den man di e hòmbernan aki, i nan por us’é pa saka un probecho máksimo, òf nan por ta medio

 
   
 
Página 98
 
 

drumí i dor di no hasi nada pèrdè e bentahanan ku lo tabata posibel gana. Hasiendo kálkulonan huisioso nan por plama e lus pa medio di e benta di buki i foyetonan. Nan por manda nan, na miar di famianan ku awor ta den skuridat di eror (Id., página 388,389. Aña 1880). (122)

No dependé riba premionan

   Esnan ku ta bèrdaderamente humilde i ku nan mente a wòrdu desaroyá pa e bèrdat revelá den e Evangelio, lo ehersé un influensia ku por wòrdu sinti, i lo produsí impreshon den e mente i kurasonnan, i mayoria di hende lo respetá nan, asta ora ta trata di esnan ku no ta simpatisá ku nan fe. Nan lo logra éksito den presentá e bèrdatnan di Beibel i den pone nos revistanan di balor sirkulá, pasobra Señor lo habri kaminda pa nan. Pero pa animá e hendenan pa medio di regalu i premionan pa nan suskribí, no ta ehersé un influensia permanente pa bon. Si nos obreronan sali ku fe den e bèrdat di Beibel, ku amor pa Kristu i amor pa e almanan den nan kurason, nan lo logra mayor resultado den e trabou di haña suskriptornan permanente, na lugá di dependé riba premionan i preis abou. E énfasis ku ta wòrdu duná na e estímulonan aki pa suskribí na e revista, ta duna e impreshon ku e revista no tin balor bèrdadero den e mes. E resultadonan lo tabata mihó si a pone mas énfasis riba e revista, i si e sèn gastá den premionan lo a wòrdu usa pa distribuí algun ehemplarnan grátis. Ora ofresé premionan, por ta ku tin algun hende ku ta suskribí i ku di otro manera nan lo no a hasié, pero

 
   
 
Página 99
 
 

lo tin otronan ku lo ninga na suskribí pa konsider’é un spekulashon. Si e kolportor presentá e (123) méritonan di e revista mes, ku su kurason halsá na Dios i pidiendo éksito, i si e dependé ménos di premionan, e resultadonan lo ta mayor (Id., tomo 5, página 401. Aña 1885).
   Pa pone “El Conflicto de los Siglos, Patriarcas y Profetas, El Deseado de Todas las Gentes, Daniel y Apocalipsis”, i otro bukinan sirkulá, mester haña kolportornan ku tin un sentido di e balor di e temanan trata den e volúmennan aki, i un komprenshon di e obra ku mester ta hasí pa interesá hendenan den e bèrdat. Lo duna e kolportornan aki ayudo speshal, ku ta mas ayá di tur supuesto bentaha di e ilustrashonnan. E kolportor ku a nase di nobo pa e obra di e Spiritu Santu, lo wòrdu kompañá pa e angelnan, ku lo bai nan dilanti na e kasnan di e hendenan, preparando e kaminda pa nan (Manuscrito 131, 1899).

Portanan habrí pa kortesia i bondat

   Un di e métodonan mas simpel i sin embargo mas efikas pa hasi e trabou, ta esun dje kolportor evangéliko. Dor di un komportamentu kortes i bondadoso, e obrero ei por habri porta di hopi hogar. Ora e hospedá na kas di hende straño, e mester ta atento i servisial. Nunka e mester bira un karga, dor di eksihí pa e hendenan ku ta (124) karga e peso di hogar sirbié. Si tin hende malu den e kas kaminda e ta hospedá, lo e hasi tur loke e por pa yuda. Hopi biaha lo e haña hendenan ku ta bisa ku nan ta masha okupá pa por skucha un presentashon òf un estudio bíbliko. Hopi

 
   
 
Página 100
 
 

biaha por logra haña nan atenshon dor di yuda nan den nan trabou (Manuscrito 26, 1905).

Konkistá e konfiansa dor di un spiritu servisial

   Ora ku boso ta keda na kas di un hende, kompartí e karganan di e hogar…. Yuda e tata kansá den su trabounan di kas. Mustra interes den e muchanan. Sea konsiderá. Traha ku humildat i Señor lo obra ku boso (Review and Herald, 11-11-1902).
   Den tur kas ku boso bishitá, boso lo haña hende enfermo i ku ta sufri. Duna nan alivio si ta pusibel, maske dor di hasi asina boso tarda un poko mas…. E uso di e medionan simpel den trata ku e enfermonan, lo ta un lès ideal. Si por, hasi orashon pa e enfermo. Dios por kur’é, i esaki lo ta un testimonio na fabor di e bèrdat. Bisa e famia ku boso ta bishitá loke nan mester hasi pa asina keda salú. Hiba algun foyetonan ku ta trata e tema di reforma pro salú, i laga nan ku e hendenan. Di e manera aki boso ta sembra e simia di bèrdat (Manuscrito 18a, 1901). (125)

Tratamentunan simpel

   Kolportornan mester por duna instrukshon den kon pa trata e enfermonan. Nan mester konosé e métodonan simpel pa duna tratamentu higiéniko. Asina nan por traha komo médiko misionero i trata alma i kurpa di esnan ku ta sufri. E obra aki mester ta hasí tur kaminda di mundu. Asina hopi hende lo por risibí bendishon di e orashon i instrukshonnan di e sirbidónan di Dios (Joyas de los Testimonios, tomo 2, página 543. Aña 1900).

 
   
 
Página 101
 
 

Mustra balor di un bida sano

   Nunka e kolportornan mester lubidá ku nan mester hasi esfuersonan ferviente pa realisá obra misionero médiko. E publikashonnan ku ta trata e tema di reforma pro salú, ta di hopi mester den e mundu awor. E intemperansia ta lucha pa dominá. Komplasé mes ta bai den oumento. Den e obra aki e kolportor por hasi hopi pa mustra e hendenan ku e ta bishita, e balor di un bida saludabel. Na lugá di keda den un hotèl, e mester, si ta posibel, buska lugá pa keda na un kas partikular. Ora e ta na mesa pa kome ku e famia, lag’é praktiká e instrukshonnan di salú duná den e obranan ku e ta bende. Si e haña oportunidat, lag’é papia di e balor di e reforma pro salú. Si e ta kortes den su palabra i aktonan, (126) lo e ripará ku su palabranan ta laga un impreshon pa bon (Manuscrito 113, 1901).

Yama atenshon na publikashonnan di salú

   Bisa e hendenan ku boso tin bukinan pa bende ku ta duna hopi konseho balioso tokante e enfermedatnan i kon pa evitá nan, i ku un estudio di e instruk-shonnan aki lo evitá hopi sufrimentu i tambe spar e kantidat di plaka gastá pa paga resibunan di dòkter. Bisa nan ku den e bukinan aki tin konsehonan ku posiblemente nan lo no haña for di nan dòkter durante e bishita kòrtiku ku nan ta hasi serka dje (Ibid.).
   “Bisti boso pianan ku e Evangelio di pas”, boso lo ta prepará asina pa bai di kas pa kas, hibando e bèrdat na e hendenan. Tin biaha boso por sinti ku ta masha ago-

 
   
 
Página 102
 
 

tador pa hasi e tipo di obra aki; pero si boso sali ku fe, Señor lo bai boso dilanti, i Su lus lo bria riba boso kaminda. Ora boso drenta kas di boso bisiñanan pa bende òf laga nos publikashonnan, i siña e bèrdat na e hendenan ku humildat, boso lo ta kompañá pa e lus di shelu. Siña pa kanta e himnonan mas fásil. Esakinan lo yuda boso den boso trabou di kas pa kas, i kurasonnan lo keda toká pa e influensia di e Spiritu Santu…. Nos por gosa den kompania di e angelnan selestial. Por ta ku nos no por diserní nan (127) forma, pero pa medio di fe nos por sa ku nan ta ku nos (Review and Herald, 11-11-1902).

E bèrdadero propósito

   Hopi di nos kolportornan a apartá di e prinsipionan korekto. E deseo pa haña bentahanan di mundu a apartá nan mente di e bèrdadero propósito i spiritu di e obra. No laga niun hende pensa, ku gabamentu ta hasi un impreshon korekto riba e hendenan. Esaki lo no logra e mihó resultado ni esnan mas permanente. Nos obra ta konsistí pa dirigí e mentenan na e bèrdatnan solèm pa e tempu aki. Lo ta únikamente ora nos mes kurason ta yen di e spiritu di e bèrdatnan ku ta den e buki ku nos ta bende, i ora ku humildat nos yama e hendenan su atenshon na e bèrdatnan aki, e ora ei e bèrdadero éksito lo kompañá nos esfuersonan; pasobra ta únikamente e ora ei e Spiritu Santu, ku ta konvensé di piká, di hustisia i di huisio, lo ta presente pa impreshoná e kurasonnan (Joyas de los Testimonios, tomo 2, página 537,538. Aña 1900).

(128)