Pago puntual di e bukinan

   E obra ta keda paralisá pasobra, esnan ku ta bisa di ta sigui Kristu no ta obedesé e prinsipionan evangéliko. E manera inkorekto ku algun kolportornan, tantu esnan bieu komo esnan nobo, a hasi nan obra ta mustra ku nan mester siña lèsnan importante. Mi a wòrdu mustra ku tin hopi trabou desordená. Algun di nan tin kustumbernan malu, i nan a manifestá e falta aki den e obra di Dios. E sosiedat di publikashonnan a haña hopi debe pasobra e kolportornan no a paga nan kuentanan. E kolportornan a pensa ku ta trata nan malu si pidi nan pago puntual di e bukinan ku nan a haña di e drùkereinan. Sinembargo, e úniko manera di hasi negoshi, ta pa eksigí pago puntual.
   Apsoluto honrades.- Mester drecha e kosnan di tal manera ku e kolportornan tin sufisiente pa nan por biba kuné sin tin mester di saka mas di loke ta toka nan. E porta di tentashon aki mester wòrdu será i pone na yabi. Pa honrado (129) ku un kolportor por ta, den su trabou lo e hañ’é ku sirkunstansianan ku lo ta p’e un gran tentashon.
   Flohera i no traha no ta frutanan di e palu kristian. Ningun alma por keda sin bai traha i no praktiká rektitut den e maneho di e biennan di Señor i keda sin kulpa dilanti di Dios. Tur esnan ku ta hasi

esaki ta ninga Kristu dor di nan akshonnan. Miéntras ku nan ta bisa di kumpli i siña e lei di Dios, nan no ta praktiká Su prinsipionan.
   No mester malgastá.- E biennan di Señor mester wòrdu manehá ku fidelidat. Señor a konfia hende bida, salú i e fakultat pa pensa; e la duna nan forsa físika i mental pa nan por usa; i e donnan aki no mester wòrdu usá di un manera fiel i diligente pa gloria di Su nòmber? Nos rumannan a konsiderá ku nan mester duna kuenta di tur e talentonan ku a wòrdu konfiá na nan? Nan a negoshá e biennan di nan Señor ku prudensia, òf nan a gasta Su rekursonan sin temor, i nan a wòrdu anotá den shelu komo sirbidónan infiel? Hopi ta esnan ku ta gasta e sèn di Señor den kosnan ku nan ta yama goso. Nan no ta haña eksperensia den apnegashon, sino ku nan ta gasta plaka den banidat, i nan no ta karga nan krus siguiendo Hesus. Hopi di esnan ku a haña e privilegio di a risibí di Dios oportunidatnan presioso, a malgastá nan bida, i awor nan ta sufri i ta den nesesidat. (130)
   Dios ta pidi pa tin un mehoramentu desidido den e diferente aspektonan di Su obra. E negoshinan hasí den relashon ku e kousa di Dios, mester bai kompañá pa mayor presishon i eksaktitut. No a hasi un esfuerso firme i desidido pa realisá un reforma esensial (Joyas de los Testimonios, tomo 2, página 552-554. Aña 1900).

No drenta den debe

   Tur hende mester praktiká ekonomia. Ningun obrero mester manehá su asuntunan di un manera

tal ku e ta drenta den debe. E praktiká di saka sèn di tesorería promé ku e wòrdu ganá, ta un trampa. Di e manera aki e rekursonan ta keda limitá, i komo resultado e obreronan no por wòrdu sostené den e obra misionero. Ora un hende kai boluntariamente den debe, e ta slep drenta den unu di e trampanan ku Satanas ta pone pa e almanan (Manual for Canvassers, página 65. Aña 1902).

Kolportornan ku ta spera di wòrdu yudá

   Ora algun kolportornan kai den difikultat, nan ta spera pa saka sèn di tesorería pa yuda nan sali di nan difikultatnan, únikamente pa bolbe kai den nesesidatnan, i bolbe pidi ayudo. Esnan ku ta sirbi komo mayordomonan di e biennan den tesorería mester mantené un aktitut di vigilansia atento i kuida pa e reservanan no ta gastá dor di (131) e burakunan aki. Ora ku e hendenan no por, pa medio di nan trabou den kolportahe, debolbé na tesorería tur loke ta pertenesé na dje den hustisia; e ora ei nan mester para ketu kaminda nan ta. Nan no por kolportá a ménos ku nan por hiba medionan na e tesorería na lugá di saka (Ibid.).

Rekto, honrado i fiel

   E obra di kolportahe no mester wòrdu hibá di un manera floho, i deskuidá. Esnan ku ta traha den un obra ku ta eksigí maneho di sèn, mester hiba kuenta estrikto di kada sèn risibí i pagá. E edukashon asina hañá den eksaktitut lo kapasitá nan pa un utilidat mayor.

   Si un kolportor sigui pidi buki, i no ta manda informe di su trabou, i no ta duna ningun deklara-shon di kon e ta manehá e sèn ku e ta haña i gasta, esnan ku ta na enkargo di e obra, di un manera bondadoso i amigabel mester trata di sa kua te bèrdadero situashon. Pa duna buki libremente na un persona te ora ku e hañ’é desesperadamente den debe ta kometé un inhustisia, tantu na e kolportor komo na esnan ku ta dun’é trabou. Un prosedimentu asina floho i deskuidá ta trese desanimo.
   Un obrero ku mira ku e no ta kapas di tin éksito den e obra di kolportahe mester bai serka e personanan adekuá i bisa nan ku e no por sigui den e ramo dje obra aki.
   (132) Tur kolportor mester ta rekto, honrado i fiel. Kuantu alma por ta salbá di tentashon, i kuantu doló por a keda evitá si tur nos obreronan tabata eduká di ta tan fiel na e prinsipionan manera stal (Manuscrito 20, 1904).

Resultadonan di e kustumbernan finansiero ku a wòrdu deskuidá

   Algun kolportornan a dirigí nan negoshinan di un manera tan floho ku konstantemente nan tabata kaba e fondo nan nesesario pa hiba e obra dilanti. Nan a bende e bukinan, i nan a duna impreshon ku nan tabata traha na fabor di e kousa; pero na lugá di trese e medionan tan nesesario pa e progreso di e obra, nan a saka hopi plaka for di tesorería. Nan a hasi uso di e medionan ku a yega na nan man, i ku no tabata pertenesé na nan, pa usa den nan mes gas-

tunan, i esnan di nan famia, òf pa faboresé nan rela-shonnan familiar.
   Nan a hasi doño riba loke tabata pertenesé na e obra di Dios, i uz’é pa nan mes, e kolportornan ta kai den difikultat, nan ta separá nan alma di Dios i ta kria un sentimentu di insertidumbre, i un falta di konfiansa den esnan ku ta traha ku nan den kampo. Na e mes un momento nan ta hasi un inhustisia na nan kolaboradornan. Hòmbernan ku ta hasi lo mihó ku nan por, por wòrdu konsiderá ku sospecha, i asina ta pone nan sufri (133) pa motibu di e kondukta di algun personanan no digno di konfiansa.
   E resultado ta ku e kousa di Dios ta kai den konfushon i difikultatnan, i un gran karga ta wòrdu poné riba esnan ku a wòrdu eskohí pa hiba responsabilidatnan pisá. Si permití ku e manera floho aki di atendé e asuntunan komersial sigui, no solamente ta permití un fuga di medionan for di tesorería, sino ku lo kita for di e fondonan ku ta bini for di e rumannan. Esaki lo destruí nan konfiansa den esnan ku ta na kabes di e obra i ku tin na nan enkargo e maneho di e fondonan, i lo pone hopi stòp nan donashon i ofrendanan.
   E kondukta di e obreronan deskuidá aki a pone riba e hòmbernan ku ta aktua komo dirigente, un karga ku ta primi nan kurason. Nan ta prekupá pa sa kon preservá e kousa di Dios di tur tipo di robo, i na e mes un tempu salba e alma di esnan ku tin ideanan robes di e bèrdadero honrades.
   E práktika di fia sèn pa aliviá algun nesesidat den purá, sin hasi kalkulo pa kanselá e debe, pa normal

ku e ta parse, e ta algu malu. Señor kier pa tur esnan ku ta kere den e bèrdat kombertí nan mes di e práktikanan engañoso aki. Nan mester preferí sufri nesesidat promé ku kometé aktonan deshonesto…. Si esnan ku ta mira e bèrdat no kambia nan (134) karakter di akuerdo ku e influensia santu di e bèrdat, nan lo ta un sabor di morto pa morto. Nan lo representá e bèrdat malu, nan lo trese mancha riba dje, i nan lo deshonra Kristu, ken ta e bèrdat.
   E asuntu ku mester wòrdu konsiderá ta e siguiente: Di ki manera por hasi e obra progresá, i stroba e kolportornan di kria difikultat pa e kousa, i tira un karga riba e kasnan editorial debí na nan maneho deskuidá i egoista di e asuntunan komersial? E pregunta aki ta di gran importansia (Manuscrito 168, 1898).

Trabounan ku no tin nada di hasi ku kolportahe

   Algun hendenan a pone nan mes, i nan famia den e sirkunstansianan masha pèrtá debí na un mal maneho di nan ganashinan den kolportahe. Nan a kai den debe, i nan a fia sèn di pèrsona ku no ta di nos fe.
   Algun a meskla ku e trabou di distribuí nos publikashonnan i defendé e bèrdat, ku kumpra i bende otro artíkulonan. Esaki ta un mal kombinashon. Miéntras nan ta traha pa logra bentaha pa nan mes, nan ta wòrdu tentá pa e pèrspektiva di kumpra artíkulonan ménos di nan balor i bende nan pa mas sèn. P’esei, mundu ta konsiderá nan komo ladronnan, hòmbernan ku ta buska bentaha pa nan mes, sin

konsiderá kaso di otronan. (135) Nan no ta warda e mandamentunan di Dios; pasobra nan no ta stima nan próhimo manera nan mes (Manual for Canvassers, página 62. Aña1902).

Ganashi finansiero no ta lo prinsipal

   Si nos kolportornan ta wòrdu dominá pa un spiritu di ganashi finansiero, si nan pone e bukinan den kua nan por haña mas sèn sirkulá; deskuidando e bukinan ku e hendenan tin mester di dje, mi ta puntra: Den ki sentido nan trabou ta un obra misionero? Unda e spiritu misionero i di apnegashon a keda? E obra di e kolportor inteligente i ku ta teme Dios a wòrdu presentá komo di e mes un balor ku esun di pastor. E kolportor anto, mester sintié liber, mas ku e ministro, pa aktua pa motibunan egoista? Lo e mester ta infiel na e prinsipionan di e obra misionero, i bende solamente e bukinan ku ta mas barata i mas fásil di manehá, deskuidando e trabou di presentá na e hendenan e bukinan ku ta duna mas lus, pasobra hasiendo asina nan por gana mas sèn pa nan mes? Kon e spiritu misionero ta keda revelá? E obra di kolportahe no a stòp di ta loke e mester tabata? Ta dikon ningun bos no ta lanta pa korigí e sorto di kosnan aki? (Id., página 47,48. Aña 1902).
   Pero hopi ta wòrdu atraé na e obra di kolportahe pa bende bukinan i plachinan ku (136) no ta ekspresá nos fe, ku no ta duna lus na e kumpradó. Nan ta hasi esaki pasobra e perspektivanan finansiero ta primintí mas ku esnan ku nan por ofresé nan komo obreronan ku kredensial. E persona aki no ta hañan-

do ningun kapasitashon speshal pa e ministerio evangéliko. Nan no ta ganando eksperensia ku lo prepará nan pa e trabou. Nan no ta siña hiba e karga di e almanan, ni haña kada dia un konosementu di e manera mas eksitoso pa gana hende pa e bèrdat. Nan ta pèrdiendo tempu i oportunidat. E hòmbernan aki ku frekuensia ta desviá di e konvikshon di e spiritu di Dios, i nan ta haña un stèmpel mundano riba nan karakter, nan ta lubidá kuantu nan debe Señor, ken a duna Su bida pa nan. Nan ta usa nan fakultatnan pa satisfasé nan mes interesnan egoista i ta ninga di traha den e kampo di Señor (Id., página 43. Aña 1902).

No mester duna insentivo

   Hopi dje obreronan ku ta traha den e kampo di kolportahe no ta hasi ningun sakrifisio. Den nan klase nan tin ménos dje spiritu misionero ku e obreronan di kualke otro denominashon. Ora ku e kaminda ta kompletamente prepará dilanti nan, ora ku nan por haña salarionan mas haltu, e ora ei nan ta kla pa drenta den e kampo. Ta presentá (137) hopi insentivo na e kolportornan pa nan traha ku bukinan popular; nan ta ofresé nan salarionan haltu; i hopi ta ninga di traha pa ménos salario pa pone bukinan ku tin e bèrdat presente sirkulá. P’esei nan a oumentá e insentivonan pa korespondé ku loke e otro editornan ta ofresé, i komo konsekuensia e gastu pa pone nos publikashonnan den man di e hendenan ta haltu; hopi di e kolportornan ta gana nan sèn fásilmente i nan ta gast’é na un manera libe-

ral (Testimonies, tomo5, página 403,404. Aña 1885).

Ekonomia i apnegashon

   Gran kantidat di plaka por wòrdu gastá innesesariamente den kuentanan di hotèl. E kousa di Dios tabata asina pegá na kurason di e pioneronan di e mensahe aki, ku masha poko bes nan tabata kome algun kuminda den algun hotèl, aunke e tabata kosta solamente 25 sèn. Pero hóbennan di tur dos sekso pa general no ta wòrdu eduká den ekonomia, i nan ta malgastá konstantemente. Den algun famianan nan ta malgastá sèn malamente, ku lo tabata sufisiente pa sostené otro famia si nan lo tabata sigui un plan di ekonomia rasonabel. Si miéntras nan ta biaha, nos hóbennan hiba un kuenta eksakto di e sèn ku nan ta gasta di kada kos, nan wowonan lo habri i nan lo mira kon e sèn ta kaba na nada. Aunke no ta nesesario (138) pa nan keda sin kome kuminda kayente, manera e promé obreronan tabata hasi miéntras nan tabata biaha, nan mester siña na satisfasé nan nesesidatnan real ku ménos gastu di loke awor nan ta pensa ku ta nesesario. Tin personanan ku ta praktiká apnegashon pa por duna na e kousa di Dios; laga anto e obreronan di e kousa tambe praktiká apnegashon limitando nan gastunan tantu manera por ta pusibel. Lo ta bon pa tur nos obreronan studia e historia di e misioneronan Waldense i imitá nan ehèmpel di sakrifisio i apnegashon (Id., página 400. Aña 1885).

(139)