KAPÍTULO # 15
E KOPERASHON KU OTRO OBRERONAN EVANGÉLIKO

 

   
   
 
Página 112
 
 

Kombiná e obra di prensa ku esun di predikashon

   Prensa ta un poderoso instrumento ku Dios a ordená pa e por ta kombiná ku e energia di e predikador pa asina hiba e bèrdat na tur nashon, tribu, lenga i pueblo (Life Sketches, página 217. Aña 1915).

E mishon di e “mensaheronan silensioso”

   Mi a wòrdu mustra ku asta kaminda e hendenan ta skucha e mensahe di e predikador, e kolportor mester realisá su obra den koperashon ku e ministro; pasobra aunke e predikador presentá su mensahe fielmente, e hendenan lo no por kòrda tur kos. E página imprimí anto ta, esensial, no solamente pa spièrta i hasi nan komprendé e importansia di e bèrdat pa e tempu aki, sino pa hasi nan firme i fundá den e bèrdat, i establesé nan kontra e erornan engañoso. E bukinan i revistanan ta e medionan ku Señor a disponé pa e mensahe pa e tempu aki ta konstantemente dilanti di e hendenan. Den loke ta trata iluminá i konfirmá hende den e bèrdat, e publikashonnan (140) lo hasi un obra mas grandi ku solamente e ministerio di e palabra papia. E mensaheronan silensioso ku ta wòrdu poné den kas di e hendenan pa medio di e obra dje kolportor, lo fortalesé e obra di e evangelio di tur manera, pasobra Spiritu Santu lo impreshoná mente di esnan ku ta lesa e bukinan, manera e ta impreshoná mente di esnan

 
   
 
Página 113
 
 

ku ta skucha e predikashon di e Palabra. E mes un ministerio di e angelnan ku ta kompañá e obra di e predikador, tambe lo kompañá e bukinan ku tin e bèrdat (Testimonios Selectos, tomo 4, página 356. Aña 1900).

Koperá ku e ministro evangéliko

   E obra di koperá ku e pastor evangéliko den e trabou di presentá e bèrdat na tur nashon, lenga i pueblo, di bèrdat ta un trabou di masha nesesidat. E mester wòrdu realisá den armonia ku e gran bèrdat ku nos ta bisa di stima. Pa medio di e obra di kolportahe, mente di hopi persona ku awor ta katibu di maldat i eror, por wòrdu iluminá. Pa medio di e instrumènt aki por prepará un pueblo ku por para riba e gran dia di Dios ku ta nos dilanti (Review and Herald, 20-5-1890).

Parti di e obra médiko i dje ministerio

   E predikashon di e Palabra ta un medio ku Señor a ordená pa duna mundu (141) Su mensahe di spièrtamentu. Den Skrituranan ta representá e maestro fiel komo pastor di e tou di Dios. Mester tin rèspèt p’e, i su obra mester wòrdu apresiá. E bèrdadero obra médiko misionero ta mará ku e ministerio, i e kolportahe mester ta parti tantu di e obra médiko misionero komo di e ministerio. Esnan ku ta dediká nan mes na e obra aki mi kier bisa nan: “Miéntras boso ta bishitá e hendenan bisa nan ku boso ta traha pa plama e Evangelio, i ku boso ta stima Señor” (Joyas de los Testimonios, tomo 2, página 542. Aña 1900).

 
   
 
Página 114
 
 

E kolportor i e obra bíbliko

   Mi a risibí kartanan den kua nan ta puntra kua ta e debernan di e kolportor. Algun a bisa ku ora nan ta bishita e hendenan nan a haña oportunidat faborabel pa presentá e bèrdat pa e tempu aki, i kasi nan a haña nan obligá pa duna estudio Bíbliko. E oportunidatnan aki nan no por a deskuidá nan konsientemente. Pa otro banda mi ta risibí kartanan ku ta bisa ku nos kolportornan ta deskuidá nan trabou pa duna estudio bíbliko riba temanan di doktrina, i nan ta pone aserka ku e prehuisio lantá dor di e estudionan aki a hasi difísil pa entregá e bukinan; i algun ta pidiendo konseho riba e asuntunan aki.
   No distraí den temanan di doktrina.- Nos ta kere ku e dos deklarashonnan ta bèrdat: (142) Ku e kolportornan ta haña oportunidatnan faborabel pa guia e hendenan na un komprenshon mihó di e Beibel, i ku, debí na e manera ku nan ta probechá e okashonnan aki, prehuisio ta lanta i e obra ta resultá strobá. Ora e kolportor kuminsá su obra, e no mester permití pa e wòrdu distraí di dje, sino ku e mester keda diligente na su trabou den forma inteligente i ku tur diligensia. I, miéntras e ta fiel den su trabou di kolportahe, e no mester deskuidá e oportunidat di yuda esnan ku ta buska lus i mester di e konsuelo di e Skrituranan. Si e kolportor ta kana ku Dios, si e ta hasi orashon pa pidi sabiduria selestial pa e por hasi loke ta bon, i solamente loke ta bon den su trabou, lo e mira rápidamente e nesesidatnan di esnan ku ken e ta relashoná kuné. Lo e probechá di e mihó manera e oportunidatnan pa hiba almanan na

 
   
 
Página 115
 
 

Kristu, lo e no dediká tempu den temanan di doktrina, sino riba e amor di Dios, riba Su miserikòrdia i bondat den e plan di salbashon. Ku e spiritu di Kristu lo e ta kla pa papia un palabra apropiá na esun kansa.
   E gran nesesidat di e alma ta pa konosé Dios i Hesukristu, Esun ku El a manda. Beibel ta yen di lèsnan práktiko, ku e kolportor por presentá di un manera sabí. Si pa e medio aki e por duna un konosementu di e religion práktiko, lo e ta alimentando e hendenan, ku presisamente tin mester (143) di un alimento asina presioso (Manual for Canvassers, página 35,36. Aña 1902).

Sea studioso di e Beibel

   Nos tin un obra grandioso pa hasi pa e Maestro, esun di habri e Palabra di Dios na esnan ku ta den skuridat di eror. Amigunan hóben, obra manera kos ku boso tin un mandato sagrado. Boso mester studia e Beibel, i ta semper kla pa duna tur hende ku puntra boso rason di e speransa ku tin den boso. Pa medio di un bèrdadero dignidat kristian duna evidensia ku boso sa ku boso tin un bèrdat ku hende ta interesá na skucha. Si e bèrdat aki ta grabá den e alma, lo e ta mirá den e kara i den e komportamentu, den un dominio propio nobel i trankil, i den un pas ku solamente e kristian por tin (Testimonies, tomo 5, página 401. Aña 1885).

Duna estudio bíbliko

   Miéntras e kolportor ta bishitá e hendenan den nan kas, hopi biaha lo e tin oportunidat di lesa par-

 
   
 
Página 116
 
 

tinan di Beibel òf di e bukinan ku ta siña e bèrdat. Ku ora e deskubrí personanan ku ta buskando e bèrdat, e por duna nan estudio bíbliko. E estudionan bíbliko aki ta nèt loke e hendenan tin mester. Dios ta usa den Su sirbishi esnan ku ta manifestá un profundo interes asina (144) den e almanan ku ta bai pèrdí. Pa medio di nan lo e duna lus na esnan ku ta dispuesto pa risibí instrukshon (Joyas de los Testimonios, tomo 2, página 543. Aña 1900).

(145)