KAPÍTULO # 17
KOMPAÑÁ PA ANGELNAN

 

   
   
 
Página 124
 
 

E ministerio di e angelnan santu

   Nos mester komprendé e mishon di e angelnan mas plenamente. Lo ta bon pa kòrda ku kada yu bèrdadero di Dios ta konta ku e koperashon di e angelnan selestial. Ehérsitonan invisibel di lus i poder ta kompañá esnan mansu i humilde ku ta kere i ta aseptá e promesanan di Dios; tin na man drechi di Dios kerubin i serafinnan i angelnan poderoso den fortalesa, “nan tur no ta spiritunan ku ta sirbi, mandá pa sirbi esnan ku lo heredá salbashon?” (Heb.1:14) (Los Hechos de los Apóstoles, página 125. Aña 1911).

Miar di angelnan

   Trahando pa e almanan ku ta bai pèrdí, boso lo tin kompania di e angelnan. Miar i miar di angelnan ta kla pa kolaborá ku e miembronan di nos iglesianan pa komuniká e lus ku Dios a duna na abundansia pa prepará un pueblo pa e binida di Hesus (Testimonios Selectos, tomo 5, página 223. Aña 1909).

Semper nan ta serka

   Esnan ku ta traha pa bon di otronan, ta traha den union ku e angelnan selestial. (154) Nan tin nan konstante kompania, nan ministerio ku no ta stòp. E angelnan di lus i poder semper ta serka pa yuda, konsolá, ins-

 
   
 
Página 125
 
 

truí i inspirá. E edukashon mas haltu, e kultura mas bèrdadero, i e sirbishi mas grandi ku hende por alkansá den e mundu aki, ta di nan (Testimonies, tomo 6 página 307, 308. Aña 1900).

Mandá pa yuda nos

   Aparentemente nada no ta mas indefenso i sin embargo bèrdaderamente mas invensibel, ku e alma ku ta sinti ku e no ta nada i ku ta sosegá plenamente den e méritonan di e Salbador. Dios lo manda tur e angelnan di shelu pa yuda e alma ei, promé ku permití pa e wòrdu vensé (Id., tomo 7, página 17. Aña 1902).
   Nos kolportornan ta hañando éksitonan importante. I pa kiko nan lo no por? E angelnan di shelu ta aktua huntu ku nan. Sentenar di personanan ku ta kere e bèrdat, si nan mantené humildat di kurason, nan lo hasi un bon obra, den kompania ku e angelnan selestial. Dios lo usa esnan ku ta humilde di kurason Su dilanti, i ku ta santifiká nan mes ku fe i humildat, siguiendo e ehèmpel dj’e Gran Maestro, i ku ta papia palabranan ku ta lusa esnan ku no ta di nos fe. Nos mester traha ku pasenshi i desinteresadamente, komo sirbidónan di Señor, i habri e Skrituranan na otronan (Carta 102, 1912). (155)

E angelnan ta duna palabranan pa papia

   E kolportor tin un gran responsabilidat riba dje. E mester bai su trabou prepará pa splika Skritura. Si e pone su konfiansa den Señor miéntras e ta bai di lugá pa lugá, e angelnan di Dios lo ta rondó di dje pa

 
   
 
Página 126
 
 

yud’é papia palabranan ku ta duna lus, speransa i balor na hopi alma (Joyas de los Testimonios, tomo 2, página 533. Aña 1900).

Nan ta bini pa hasi e kurason moli

   Dios lo impreshoná esnan ku nan kurasonnan ta habrí pa e bèrdat, i ku ta deseá pa wòrdu guiá. Lo E bisa e instrumènt humano aki: “Papia di e amor di Hesus na e persona aki òf esaya”. Asina ku e nòmber di Hesus wòrdu menshoná ku amor i ternura, e angelnan di Dios ta bini serka, pa hasi e kurason moli i someté (Manual for Canvassers, página 37. Aña 1902).

Nan ta duna instrukshon

   Kada kolportor tin nesesidat positivo i konstante dje ministerio dje angel; pasobra e tin un obra importante pa hasi, un obra ku no por wòrdu hasi den su mes forsa. Esnan ku a nanse di nobo, ku ta dispuesto pa wòrdu guiá pa e Spiritu Santu, i ta hasi segun e manera di Kristu loke nan por, i ta deseá na traha manera kos ku nan por mira e universo selestial ku ta vigilá nan, (156) ta nan lo wòrdu kompañá i instruí pa e angelnan santu ku lo bai nan dilanti na e kas di e hendenan, preparando asina e kaminda pa nan. Un yudansa asina ta superá den gran manera tur e bentahanan ku hende ta suponé ku bunitesa i adornonan kostoso por duna.
   Nan ta duna éksito.- Ora ku e hendenan sa den ki tempu nos ta biba, nan lo obra manera ku ta den bista di shelu nan ta. E kolportor lo bende e bukinan ku ta

 
   
 
Página 127
 
 

duna lus i forsa na e alma. Lo e bebe dj’e spiritu di e bukinan aki, i ku tur su alma lo e presentá nan na e hendenan. Su forsa, su balor, su éksito lo dependé kon kompletamente nan ta uní den su propio eksperensia, i ku e bèrdat ku ta den e bukinan a wòrdu desaroyá den su karakter. Ora ku su propio bida ta formá asina aki, e por sigui presentá na otronan e bèrdat sagrado ku e ta manehá. Yená ku e Spiritu di Dios, lo e haña un eksperensia profundo i riku, i e angelnan selestial lo dun’é éksito den e obra (Testimonios Selectos, tomo 4, página 360. Aña 1900).
   Hesus i e santu angelnan lo duna éksito na e esfuersonan di e hendenan inteligente i ku ta teme Dios i ta hasi tur loke ta na nan alkanse pa salba alma. Den un manera silensioso, moderá, ku un kurason ku ta yen di amor, trata di konkistá e mentenan pa nan investigá e bèrdat, i duna estudio bíbliko ora boso por. Hasiendo asina, nan lo ta sembrando e simianan di (157) bèrdat kantu di tur awanan, i asina mustra e alabansanan di Esun ku a yama nos di skuridat na Su lus atmirabel. Esnan ku ta realisá e obra aki mové pa motibunan korekto, ta hasi un trabou importante di sirbishi na fabor di otronan. Nan lo no manifestá un karakter debil i indesiso. Nan mente lo habri, nan modalnan lo ta mas refiná. Nan no mester pone ningun límite na nan progreso, sino ku dia tras dia nan mester ta kapasitá pa hasi un bon obra (Testimonies, tomo 5, página 403. Aña 1885).

(158)