KAPÍTULO # 18
YUDANSA PA TUR DIFIKULTAT

 

   
   
 
Página 128
 
 

Mil manera

   Pa duna nos loke nos mester, nos Tata selestial tin mil manera di kua nan nos no sa nada. Esnan ku aseptá e simpel prinsipio di hasi e sirbishi di Dios un asuntu supremo, lo mira kon nan difikultatnan ta desaparesé i un kaminda sin problema lo habri dilanti nan pianan (El Ministerio de Curación, página 382. Aña 1905).

E resultadonan no ta wòrdu midí pa aparente éksito

   Nos mester ta kristiannan sinsero i ferviente, ku ta kumpli ku fidelidat e debernan konfia na nos, i ku semper nos ta mira na Hesus, e Outor i Guiadó di fe. Nos rekompensa no ta dependé di nos aparente éksito, sino di e spiritu ku kua nos ta realisá nos trabou. Komo kolportornan òf evangelistanan, tal bes boso no a haña e éksito pa kua boso a hasi orashon p’é, pero kòrda ku boso no konosé ni por midi e resultado dje esfuerso fiel (Manuscrito 20, 1905).

Nos no mester desanimá

   Ora e obreronan ta deskansá kontinuamente den Dios, i ora ku konstantemente nan ta praktiká (159) apnegashon; nan lo no hundi den desanimo. Nan lo no ta tristu. Nan lo kòrda ku tur kaminda tin almanan ku Señor tin mester, i ken nan diabel ta buska pa mara nan

 
   
 
Página 129
 
 

firme den sklabitut di piká i di desobedensia di e lei di Dios (Manual for Canvassers, página 22,23. Aña1902).

Lo e tin viktoria

   E kolportor no mester desanimá ora e topa ku difikultatnan den su obra; lagu’é traha ku fe i lo e tin viktoria. “Pasobra nos lucha no ta kontra karni i sanger, sino kontra e gobernantenan, kontra e podernan, kontra e forsanan mundial di e skuridat aki”. Semper ku presentá un buki ku ta eksponé e eror, Satanas ta na banda di e persona na ken e buki ta wòrdu ofresé, i ta dun’é rasonnan pa kua e no mester kumpr’é. Pero un instrumento dibino ta traha pa yena e mente na fabor di e lus. E angelnan ku ta sirbi lo bringa kontra e poder di Satanas. I ora ku pa medio di e influensia dje Spiritu Santu e bèrdat wòrdu risibí den e mente i e kurason, lo e tin un poder ku ta transformá e karakter (Manuscrito 31,1890).

Mira na shelu pa haña fe

   Hasi di e palabra di Kristu boso seguridat. E no a invitá boso pa bai serka dj’E? Nunka permití boso mes pa papia di un manera (160) desanimá i desesperá. Si boso hasi asina, boso lo pèrdè hopi. Dor di mira e aparensianan, i keha ora difikultatnan pèrtá yega, boso ta revelá un fe enfermo i debil. Papia i obra manera kos ku boso fe ta invensibel. Señor ta riku den rekursonan: mundu ta di dj’E. Mira na shelu ku fe. Mira na Esun ku tin lus, poder i efisiensia (Lecciones Prácticas del Gran Maestro, página 133,134. Aña 1900).

 
   
 
Página 130
 
 

Kere den e promesa di Dios

   Esnan ku ta traha pa Dios lo topa ku desanimo, pero semper e promesa aki ta di nan: “Mi ta ku boso semper, te na fin di mundu” (Mat. 28:20). Dios lo duna eksperensia atmirabel na esnan ku ta bisa: “Mi ta kere Bo promesa; lo mi no frakasá ni desmayá” (Joyas de los Testimonios, tomo 2, página 551. Aña 1900).

E Salbador lo manda ayudo

   Nos Salbador stimá lo manda ayudo pa nos nèt na e momento ku nos tin mester di dje. E kaminda di shelu a keda konsagrá pa Su pasonan. Kada sumpiña ku heridá nos pianan, tambe a heridá esnan di dj’E. Promé ku nos, E la karga e krus ku kada un di nos mester karga. Señor ta permití e konfliktonan pa asina prepará e alma pa e tin pas (El Conflicto de los Siglos, página 691. Aña 1888). (161)

E ta lanta esun aflihí

   No ta sali un suspiro, no ta sinti un doló, ni ningun tristesa ta tormentá e alma, sin ku ta pone e kurason dje Tata tambe bati.... Dios ta inkliná for di Su trono pa skucha e sklamamentu di esnan oprimí. Tur orashon sinsero, E ta kontestá: “Ata Mi aki”. E ta lanta esnan angustiá i trapá. Den tur nos aflikshonnan, E ta afligí. Den kada tentashon i prueba, e Angel di Su presensia ta serka nos pa libra nos (El Deseado de Todas las Gentes, página 323. Aña 1898).

 
   
 
Página 131
 
 

Peliger di duda

   Miéntras e profeta [Jonas] tabata pensa riba e difikultatnan i e aparente imposibilidatnan di loke e la wòrdu enkargá, e la sinti tentá na duda e providensia dje yamamentu…. Miéntras e tabata vasilá i sigui duda, Satanas a yen’é di desanimo…. E enkargo ku e la haña a pone riba Jonas un responsabilidat pisá; pero Esun ku a orden’é pa bai, por a sostené Su sirbidó i dun’é éksito (Profetas y Reyes, página 199. Aña 1916).

Nunka laga ánimo falta

   Nunka pèrmití pa boso falta ánimo. Nunka papia ku inkredulidat pa motibu ku e aparensianan ta kontra boso. Trahando pa e Maestro, boso lo sinti e pre-shon (162) di falta di medionan, pero Señor lo skucha i kontestá boso petishonnan di ayudo. Ku nos palabranan por ta: “Pasobra Señor Dios ta yuda mi, p’esei mi no ta wòrdu brongosá: p’esei mi a hasi mi kara manera piedra duru, i mi sa ku lo mi no wòrdu brongosá” (Isa. 50:7) (Testimonies, tomo 7, página 244. Aña 1902).
   Laga nos ta yen di speransa i balor. Desanimo den e sirbishi di Señor, no ta rasonabel i ta piká. Dios konosé kada un di nos nesesidatnan. E ta omnipotente. E por duna Su sirbidónan e medida di efisiensia ku nan tin mester segun nan situashon (Joyas de los Testimonios, tomo 3, página 221,222. Aña 1904).
   Sea fuerte, i papia ku speransa. Sea fuerte ora tin opstákulonan. Boso a drenta den un union spiritual ku Kristu Hesus. E palabra ta nos seguridat. Yega

 
   
 
Página 132
 
 

serka boso Salbador ku pleno konfiansa ku un fe bibu, poniendo boso mannan den esun di dj’E. Bai kaminda E guia boso. Kiko ku E bisa boso, hasié. Lo e siña boso tan gustosamente manera kualke otro (Testimonies, tomo 6, página 462. Aña 1900).

Praktiká e fe di Kalep

   Tabata e fe ku Kalep tabatin den Dios loke a dun’é ánimo; loke a ward’é di temor di hende, asta di e poderoso gigantenan, e yunan hòmber di Anak, i a kapasit’é pa e keda firme, disididu i ku balor den defensa (163) di loke ta rekto. Di parti di e mes un fuente selestial, e poderoso General di e éksitonan di shelu, tur bèrdadero sòldá di e krus di Kristu mester haña fortalesa i balor pa vense e opstákulonan ku hopi biaha ta parse insuperabel…. Awe nos mester di Kalepnan…. ku palabranan di balor lo hasi un invitashon poderoso pa un akshon inmediato (Id., tomo 5, página 378-383. Aña 1885).

Obra ku determinashon

   Esnan ku ta sirbi Dios mester manifestá ánimo i firmesa den e obra di salba almanan. Laga nos kòrda ku tin esnan ku lo bai pèrdí a ménos ku nos, komo instrumèntnan di Dios, obra ku determinashon ku no ta faya. Kontinuamente nos mester dependé di e trono di grasia (Joyas de los Testimonios, tomo 3, página 51. Aña 1900).

Enfrentá e difikultatnan ku balor.

   Lo bin difikultatnan ku lo proba boso fe i pasen-shi. Enfrentá nan ku balor. Mira e banda ku ta bria.

 
   
 
Página 133
 
 

Si e obra tin opstákulo, sea sigur ku esaki no ta kousá pa boso falta, i avansá e ora ei gosando den Señor (Testimonies, tomo 7, página 244. Aña 1902).

E pruebanan ta nifiká benefisio.

   Pero ora tribulashon yega, kuantu di nos ta pensa manera Yakop! (164) Nos ta imaginá ku ta man di un enemigu i nos ta lucha siegu den skuridat te ora ku nos forsa kaba, i nos no ta logra ni konsuelo ni reskate…. Nos tambe mester siña ku e pruebanan ke men benefisionan i ku nos no mester menospresiá e kastigu di Señor ni desanimá ora E ta disipliná nos (El Discurso Maestro de Jesucristo, página 17. Aña 1896).

Señor Hesus ta nos efisiensia

   Esnan ku ta traha pa Kristu nunka mester pensa, i muchu ménos papia, di frakaso den nan obra. Señor Hesus ta nos efisiensia den tur kos, Su Spiritu mester ta nos inspirashon; i ora ku nos pone nos mes den Su mannan, pa ta kanalnan di lus; nunka nos medionan pa hasi loke ta bon lo kaba. Nos por tuma di Su abundansia, i risibí e grasia ku no tin límite (Obreros Evangélicos, página 19. Aña 1915).

Spera kosnan grandi

   No ta e kapasidat ku boso tin awe, òf esun ku boso lo tin den futuro, ta loke lo duna boso éksito. Ta loke Señor por hasi pa boso. Nos mester tin poko konfiansa den loke hende por hasi, i hopi konfiansa den loke Dios por hasi pa kada alma ku ta kere. E ta anhelá pa boso rèk boso man di fe na dj’E. E ta anhe-

 
   
 
Página 134
 
 

lá pa boso spera kosnan grandi di dj’E. E ta anhelá pa duna boso inteligensia tantu den kosnan (165) material komo den esnan spiritual. E por hasi e intelekto skèrpi. E por duna takto i habilidat. Usa boso talento den e trabou; pidi Dios sabiduria, i lo e wòrdu duná na boso (Lecciones Practicas del Gran Maestro, página 183. Aña 1900).

Tur difikultat kitá

   Si boso buska Dios i kombèrtí boso mes kada dia; si di boso mes boluntat boso skohe ta liber i felis den Dios; si ku alegria den e kurason boso kontestá Su yamada i hiba e yugo di Kristu, e yugo di obedesé i di sirbishi, e ora ei tur boso difikultat lo bai, i tur e problema difísil ku awor ta afligí boso, lo keda resolb’é (El Discurso Maestro de Jesucristo, página 83. Aña 1896).
   Danki na e maravioso operashon di e Providensia divino, seru di difikultat lo ta kitá i tirá den laman (Joyas de los Testimonios, tomo 3, página 332. Aña 1909).

(167)