KAPÍTULO # 21
PUBLIKASHONNAN DI SALÚ

 

   
   
 
Página 148
 
 

Sirkulashon di publikashonnan di salú

   E sirkulashon di nos publikashonnan di salú ta un di e obranan mas importante. Ta un obra den kua tur esnan ku ta kere den e bèrdatnan espesial pa e tempu aki mester tin un interes bibu. Dios ta deseá awor komo nunka ántes, ku mente di hende sea konmoví profundamente pa investigá e asuntu importante di temperansia i prinsipionan ku ta e base di e bèrdadero reforma higiéniko....
   Religion i salú.- E religion bèrdadero i leinan di salú ta kana huntu. Ta imposibel pa traha pa e salbashon di hòmber i muhé sin presentá nan e nesesidat di kibra ku nan deseo di piká, ku ta distruí e salú, rebahá e alma, i stroba e bèrdat divino impreshoná e mente (Review and Herald, 12-11-1901).

E reforma higiéniko ta un medio di entrada

   E evangelio di salú tin abogadonan sabí, pero su obra a wòrdu difikultá debí ku tantu pastor, presidente di asosiashonnan i otro personanan ku ta den (182) puestonan di influensia, a laga di duna e asuntu di e reforma pro salú e atenshon debido. En relashon ku e obra di e mensahe nan no a rekonosé komo man drechi di e kurpa. Aunke masha poko rèspèt a wòrdu manifestá pa ku e departamentu aki di parti di

 
   
 
Página 149
 
 

hopi persona i di algun pastor, Señor a manifestá Su konsiderashon p’é dunando e prosperidat abundante. Debidamente dirigí, e reforma higiéniko ta un medio di entrada, ku ta habri e kaminda pa otro bèrdat alkansá e kurason. Ora e mensahe di e di tres angel wòrdu risibí den su totalidat, e reforma pro salú lo haña su lugá den e debatenan di e hunta direktiva di e asosiashon, den e obra di iglesia, den e hogar, na mesa, i den tur e areglonan di e famia. Anto e brasa drechi lo sirbi i protehá e kurpa (Testimonies, tomo 6, página 327. Aña 1900).

E publikashonnan di salú ta e man yudadó dje Evangelio

   Nos publikashonnan di salú ta e man yudadó dje Evangelio, i nan ta habri e porta pa e bèrdat drenta i salba hopi alma. Mi no konosé ningun otro kos ku ta habri kurasonnan asina lihé manera e klase di material di lektura aki, ku ora e wòrdu lesá i praktiká, ta pone almanan skrudiñá Beibel i komprondé e bèrdat mihó.
   (183) E kolportornan mester destaká e publika-shonnan di salú na esnan ku nan ta bishitá, bisando nan kon útil nan ta den tratamentu di enfermedatnan (Manuscrito 113, 1901).

E ta kapta e atenshon

   E publikashonnan riba reforma higiéniko lo yega serka hopi ku lo no mira ni lesa nada riba e importante temanan bíbliko…. E bèrdat di reforma pro salú mester yega serka e hendenan. E ta esensial pa

 
   
 
Página 150
 
 

asina nan atenshon wòrdu kaptá riba e bèrdatnan bíbliko.
   Dios ta eksigí pa Su pueblo ta temperante den tur kos. A ménos ku Su yunan praktiká temperansia, nan lo no ta ni por ta santifiká pa e bèrdat. Nan mes pensamentu i mentenan lo ta korumpí.
   Hopi persona ku ta wòrdu konsiderá komo desesperadamente korumpí, si instruí nan den un forma adekuá den loke ta trata nan práktikanan anti higiéniko, nan lo wòrdu konkistá ku e bèrdat. E ora ei nan lo ta halsá, nobel, santifiká, i kambiá den glasnan adekuá pa e Maestro Su uso. Sali ku boso man yen ku material di lektura apropiá, i boso kurason yen dje amor di Kristu pa e almanan, pa alkansá nan kaminda nan ta….
   E prehuisio lo kita.- Mi a wòrdu mustrá ku ora duna atenshon na e ramo di e obra aki, boso ta kita un gran kantidat di prehuisio di (184) hopi mente, ku a stroba e kaminda pa risibí e bèrdat i lesa e publikashonnan ku ta presentá e bèrdat ku nos ta kere. E asuntu aki no mester wòrdu pasá por alto manera sin importansha, pasobra kasi kada famia mester wòrdu impreshoná riba e asuntu aki, i nan konsenshi spièrtá pa pone e Palabra di Dios na práktika den loke ta trata ninga mes i komplasé e apetit. Ora boso yuda e personanan aki pa komprendé e asuntu di reforma pro salú, boso a prepará e kaminda pa nan pone atenshon na e bèrdat presente pa e último dianan aki. Mi guia a bisa: “Eduká, eduká, eduká”. E mente mester ta lusá: e komprenshon ta skur te na e punto ku Satanas ke pa e ta, pasobra e por haña lugá dor di

 
   
 
Página 151
 
 

e apetit korumpí, pa asina degradá e alma…
   Mi guia a informá mi: “Tur esnan ku ta kere i proklamá e bèrdat no solamente mester praktiká e reforma pro salú, sino siñ’é ku diligensia na otronan”. Esaki lo ta un instrumènt poderoso pa yama e atenshon di e no kreyentenan na konsiderá ku si nos trata ku inteligensia e tema relashoná ku un régimen di alimentashon i práktikanan saludabel, tambe nos punto di bista riba e temanan di e doktrinanan bíbliko lo ta korekto (Manuscrito 1, 1875).
   Señor ta yama obreronan pa nan drenta den e kampo di kolportahe. E ta deseá pa nan (185) plama e bukinan di reforma pro salú. Hopi ta dependé di e asuntu aki di e reforma higiéniko (Manuscrito 174, 1899).
   Hóben i señoritanan mester tuma nos bukinan ku ta trata riba un bida sano i sali meimei di e hendenan, hasiendo tur loke ta posibel pa hasi e obra di reforma pro salú progresá. Tin hopi den mundu ku ta ansioso pa sa mas di e prinsipionan aki (Carta 154a, 1900).

Tin gran mester di e lus aki

   Hendenan ta den un gran nesesidat di e lus ku ta bria for di e páginanan di nos revistanan di salú i temperansia. Dios ta deseá na usa e revistanan aki komo un medio ku ta manda rayonan di lus pa kapta atenshon di hende, i hasi nan pone atenshon na e spièrtamentu di e mensahe di e di tres angel….
   Pastornan mester i por hasi hopi pa move e sirkulashon di e revistanan di salú. Tur e miembronan di

 
   
 
Página 152
 
 

iglesia mester traha ku hopi entusiasmo pa e revistanan aki i pa nos otro revistanan tambe. No mester tin frikshon entre nan dos…
   E sirkulashon di e revistanan di salú lo ta un instrumènt poderoso pa prepará e kaminda pa asina e hendenan por aseptá bèrdatnan espesial ku mester prepará nan pa e pronto binida di e Yu di Hende (Review and Herald, 12-11-1901). (186)

Un parti permanente di nos publikashonnan

   E reforma pro salú lo alkansá i a alkansá un klase di personanan ku di otro manera nunka lo a wòrdu alkansá pa e bèrdat. Ta eksistí un gran nesesidat pa traha pa yuda hende, kreyente i no kreyente, den e tempu aktual, pa medio di seminarionan di salú i publikashonnan riba e mesun temanan aki. Mi no ta mira dikon e bukinan di salú no mester wòrdu poné den forma permanente manera e otro publikashonnan, apesar di e prehuisionan humano kontra nan (Carta 25a, 1889).

(187)