Bukinan di salú i religioso

   Mester eksistí un unidat perfekto entre e obreronan ku ta traha ku e bukinan ku mester yena e mundu ku lus. Na unda ku e obra di kolportahe wòrdu presentá entre nos rumannan, mester presentá tantu e bukinan di salú i esnan religioso huntu, komo parti di un obra uní. E relashon entre e bukinan religioso i esnan di salú a wòrdu presentá na mi i ilustrá dor di e union di hilunan ku un diseño bunita di un tela perfekto.
   Igualmente importante.-Den tempu pasá e bukinan di salú no a wòrdu usá ku e interes ku nan importansia ta eksigí. Ounke nan a wòrdu altamente apresiá pa un gran kantidat, hopi no a kere ku ta di importansia pa nan wòrdu hiba na e públiko en general. Pero kiko por ta mihó pa prepará pa e binida di Señor i pa risibí otro bèrdatnan di importansia pa prepará un puebel pa Su binida, ku esun di spièrta personanan pa nan mira e kosnan malu di e tempu aki i asina move nan (188) na un reforma di nan kustumber no saludabel i di komplasé nan mes? No mester spièrta e mundu pa e konosé e tema di reforma pro salú? E hendenan no mester di e bèrdat ku ta wòrdu presentá den e bukinan di salú? Mester manifestá un sintimentu dife-

rente di esun ku te awor tabatin den e obranan di salú den hopi di nos kolportornan ku ta den e kampo.
   No mester tin divishon i partidonan diferente entre nos kolportornan i direktornan di kolportahe. Tur mester tin interes den bende e bukinan ku ta trata asuntunan di salú meskos tambe pa bende esnan ku ta puramente religioso. No mester establesé ku ta solamente sierto bukinan e kolportornan mester traha kuné. Mester tin un unidat perfekto, i un desaroyo ekilibrá i simétriko di e obra tur kaminda.
   Nan no mester ta separá.- E parsialidat ku kua a trata hopi di e bukinan di salú, ta un ofensa pa Dios. Separando e obra di salú for di e gran kurpa di e obra, no a keda ordená pa Dios. E bèrdat presente ta deskansá tantu den e obra dje reforma higiéniko komo den otro rasgonan dje trabou evangéliko. Ningun aspekto, separá for di otro, por ta kompletamente perfekto (Testimonies, tomo 6, página 326,327. Aña 1900). (189)

Ningun ramo riba su mes mester ta un speshalidat

Kada un tin su debido lugá

   Pero aunke e obra di salú tin su lugá den plama e mensahe di e di tres angel, su abogadonan di ningun manera mester lucha pa hasié tuma e lugá di e mensahe. E bukinan di salú mester okupá nan debido lugá, pero e sirkulashon di e bukinan aki ta únikamente unu di e hopi ramo den e gran obra ku mester wòrdu hasí. E impreshon fuerte ku tin biaha ta wòrdu duná na e kolportor den loke ta trata e bukinan di salú, no mester determiná ku ta ekskluí di e kampo otro bukinan importante ku mester ta den man di e hendenan. Esnan ku ta enkargá ku e obra di kolportahe, mester ta hendenan ku por diserní e relashon di kada parti di e obra den un gran konhunto. Laga nan pone e debido atenshon na e sirkulashon di e bukinan di salú, pero no hasi e ramo aki asina grandi ku e ta desviá e hendenan di otro (190) ramo di interes importante, ekskluyendo asina e bukinan ku tin un mensahe speshal ku e bèrdat pa e mundu.
   Mester di hopi edukashon pa traha ku e bukinan religioso i tambe ku esnan ku ta trata e asuntu di salú i temperansia. Hopi mester wòrdu bisá di e obra di kolportá ku bukinan ku ta kontené kuminda spiritual, mester hasi hopi esfuerso pa animá i eduká obreronan pa nan laga e bukinan ku ta kontené e mensahe di e di tres angel sirkulá, komo loke ta wòrdu bisá i hasí pa desaroyá obreronan ku ta traha ku e bukinan di salú.
   Nan ta komplementá otro.- Un tipo di buki semper lo habri lugá pa otro. Nan tur dos ta esensial, i

nan tur dos mester ta den e kampo na e mesun tempu. Nan ta komplementá otro, i ningun di nan dos por tuma lugá di otro. Nan tur dos ta trata temanan di e balor mas haltu, i nan tur dos mester hasi nan parti den e preparashon di e pueblo di Dios pa e último dianan aki. Nan tur dos mester parse komo e bèrdat presente pa iluminá, pa spièrta i pa kombensé. Nan dos mester kombiná den e obra di santifiká i purifiká e iglesianan ku ta sperando e binida di e Yu di Dios den poder i gran gloria.
   Laga kada editorial i direktor di kolportahe traha ku entusiasmo pa animá e kolportornan (191) ku awor ta den e kampo, pa reklutá i eduká obreronan nobo. Laga kada un fortalesé i edifiká e obra mes tantu ku ta posibel sin debilitá e obra di otronan. Laga tur kos wòrdu hasí ku amor fraternal i sin egoismo (Testimonies, tomo 6, página 327,328. Aña 1900).

E obra mester desaroyá di un manera simétriko

   Reforma pro salú tin hopi relashon ku e mensahe di e di tres angel meskos ku e brasa ta ku e kurpa; pero e brasa no por tuma lugá di e kurpa. E proklamashon di e mensahe di e di tres angel, e mandamentunan di Dios i e testimonio di Hesus, ta e preokupashon di nos obra. E mensahe mester wòrdu proklamá ku un fuerte sklamamentu, i mester bai rònt mundu. E presentashon di e prinsipionan higiéniko mester uni ku e mensahe aki, pero den ningun kaso e mester ta independiente di dje, ni di ningun mane-

ra tuma su lugá.... Mester tin un desaroyo bon ekilibrá, simétriko di e obra den tur su aspektonan.... Mi ta deseá pa e bukinan di salú okupá nan debido lugá; pero nan ta únikamente unu di e hopi parti den e gran obra ku mester wòrdu hasí. Señor a manda Su mensahe na mundu pa medio di e bukinan ku tin e bèrdat pa e último dianan aki.
   No mester siña e kolportornan ku un buki òf un tipo di buki so mester (192) ta den e kampo, a kosto di deskuidá e otronan. Entre e obreronan semper tin algun ku por bai den kasi kualke direkshon. Esnan ku ta na kabes di e obra di kolportahe mester ta hende ku mente bon ekilibrá, ku por mira e relashon di kada parti di e obra den un gran konhunto. Laga nan pone bon atenshon pa e bukinan di salú sirkulá, pero no hasi di e ramo aki algu tan grandi ku ta distraí hendenan for di otro aspektonan di interes vital (Carta 57,1896).
   E benta di revista i bukinan di salú no ta stroba di ningun manera e benta di e publikashonnan ku trata otro aspektonan di e mensahe di e di tres angel. Nan tur mester prepará e kaminda pa Señor Hesus bini den nubianan di shelu ku poder i gran gloria (Manuscrito 113, 1901).

No ta tur mester traha ku e mesun buki

pa e tempu aki. Si Señor tin lus pa Su pueblo, presentá den diferente forma i vários buki, ken (193) ta esnan ku ta tribi pa pone barera di manera ku e lus no por wòrdu plama rònt di mundu? Señor ta deseá pa nos rumannan traha plannan di manera ku e lus ku El a duna no keda skondí den nos kasnan editorial, sino pa e bria pa lusa tur esnan ku risibié (Manual for Canvassers, página 47. Aña 1902).

Publikashonnan pa tur klase

   Ningun kolportor mester halsa e buki ku kua e ta traha riba otronan ku ta presentá e bèrdat pa e tempu aki. Si tur nos kolportornan traha ku un solo buki i konsentrá nan energianan riba dje, e obra no por wòrdu hasí di akuerdo ku e plan di Dios. No tur mente ta trahá di e mes un manera, i loke por ta alimentu pa unu por laga di atraé otro; p'esei, mester tin den e kampo bukinan ku ta trata den un variedat di forma temanan speshal pa e tempu aki. Lo ta nesesario pa e kolportor hasi un selekshon sabí. No laga ningun hende ku ta traha den e obra di Dios tin un mente chikitu òf korto di bista. Señor tin hopi instrumènt pa medio di kua E ta proponé pa traha. Ora ku un buki ta wòrdu halsa mas ku otro ta eksistí e peliger di ku e obra ku ta mihó adaptá pa duna hendenan lus ta wòrdu kitá di su lugá. No tin nesesidat di kompará diferente bukinan, i husga di antemano kua di nan (194) lo hasi mas bon. Dios tin lugá pa tur bos i pa tur pèn ku el a inspirá pa papia di dj'E. Pa algun mente lo ta difísil komprendé nos bukinan mas kompliká, i un manera mas simpel di presentá e

bèrdat lo alkansá nan ku mas fasilidat. Ku e obreronan ku ta dirigente, animá esnan mas debil, i mustra un interes igual den kada un di e instrumentonan poné den akshon pa prepará un pueblo pa e binida di Señor. Algun hende lo risibí mas benefisio di revista i foyetonan, ku di e bukinan. E revistanan, i foyetonan ku ta papia di Beibel, nan tur tin mester di atenshon den e obra di kolportahe, pasobra nan ta manera medionan chikitu ku ta habri kaminda pa e obranan mas grandi (Id., página 48,49. Aña 1902).

Foyetonan

   E kolportor mester hiba foyeto i bukinan chikitu ku e por regalá na esnan ku no por kumpra buki for di dje. Dje manera aki e por introdusí e bèrdat den hopi hogar (Joyas de los Testimonies, tomo 2, página 554. Aña 1900).

Esfuersonan mas desidido na fabor di e bukinan religioso

   Pa kolportá ku nos publikashonnan ta un obra evangéliko importante i masha benefisioso.... (195) Aunke nos a bisa hopi tokante di kolportá ku e bukinan di salú - i ainda nos ta kere ku nos mester plama e bukinan aki -, sinembargo esfuersonan mas desidído mester wòrdu hasí pa presentá na e hendenan e bukinan religioso importante. Nos publikashonnan por bai lugánan kaminda aktualmente no por tene reunionnan. Den e lugánan aki e kolportor evangéliko fiel ta tuma e lugá di e predikador bibu (Carta 14, 1902).

   Den e periodo aki di nos obra nos mester kuida tur paso ku nos ta duna den publikashon di nos bukinan. Klaramente a wòrdu mustra na mi ku nos mester reklutá hòmber i muhénan di kapasidat komo kolportornan. Hopi di e esfuerso ku a wòrdu dediká na bende bukinan médiko, mester wòrdu apliká awor den pone e bukinan ku tin e bèrdat presente pa e tempu aki, pa e evidensianan di nos fe i e temanan ku ta dilanti di nos por wòrdu konosé pa e hendenan....
   Nos mester hinka den e obra tur instrumènt bibu ku ta sinti ku el a wòrdu skohé pa Dios pa hasi no un obra komersial komun, sino un trabou ku lo duna lus i bèrdat, e bèrdat bíbliko na mundu (Carta 72, 1907).

Bukinan grandi i chikitu

   Mi no ta kere ku ta korekto pa dediká tantu atenshon na bende bukinan mas (196) chikitu deskuidando e bukinan grandi. Ta un eror pa laga den e rèkinan e bukinan grandi ku Señor a revelá ku mester ta den man di e hendenan, i lansa i bende e bukinan chikitu di un manera vigoroso (Manuscrito 123, 1902).

No tin tempu pa kosnan vulgar

   Nos ta demasiado serka dje final di historia di e tera aki pa hiba na e hendenan un klase di buki ku no tin e mensahe ku nos pueblo tin mester di dje. Dirigí nan atenshon na bukinan ku ta trata di fe i di piedat práktiko. Limpia i santifiká e kampo. Tin

abundansia di bukinan kapas di lusa e mundu.
   Mi no ta komprendé pakiko nos revistanan mester tin tantu notanan ku ta papia di otro bukinan ku no ta importante pa e tempu aki. Den tur libreria bo por haña e bukinan aki na abundansia. Pakiko no dirigí mente di hende na temanan ku tin palabra di bida eterno? Pakiko no hasi un esfuerso pa haña komunikashon simpel, real i bèrdadero di nos obreronan na tur parti di mundu? Dios ta pidi e klase di lektura aki. Nos no tin tempu pa dediká na kosnan vulgar, no tin tempu pa pèrdè den bukinan ku solamente ta entretené (Counsels to Writers and Editors, página 147,148. Aña 1899).
   (197) Mi a wòrdu mustra ku e historianan komun ku ta wòrdu publiká den forma di bukinan no ta importante pa nos bienestar. Mundu ta inundá di e klase di publikashonnan aki, i e echo ku e sorto di bukinan aki ta wòrdu bende rápidamente, di ningun manera ta evidensia ku nan ta bukinan ku mester wòrdu plamá. E pashon pa kuentanan ta produsiendo míles di bukinan sin balor, ku ta manera yerba seku, palu i palu seku. E bukinan aki a wòrdu skirbi pa personanan ku mentenan eduká pa saka fantasiá. Tur loke e mente imaginativo por pensa ta wòrdu poné den buki, i ta presentá na mundu komo alimentu intelektual. Pero hopi biaha e no tin balor nutritivo. "Kiko yerba seku tin di hasi ku trigu?" Nos no tin mester di novela; pasobra nos ta tratando ku realidatnan serio di bida (Id., página 147. Aña 1849).

Evitá literatura superfisial i eksitante

   Mundu ta inundá di bukinan ku lo ta mihó kima nan ku hasi nan sirkulá. Bukinan ku ta konta di guera ku indjannan i temanan similar, publiká i bendé komo un medio pa gana sèn, lo ta mihó pa nunka nan wòrdu lesá. Tin un enkanto satániko den e bukinan aki. E relato di krímen i krueldat ku ta hasi e kurason tristu tin un enkanto partikular riba hopi hóben, pasobra nan ta oumentá den nan e deseo di ta famá, asta pa e echonan mas malu. (198) Tin hopi obra mas estriktamente históriko kua nan influensia ta un poko mihó. E kosnan ekstraordinario, e krueldatnan, e práktikanan malu presentá den e bukinan aki, a obra manera surde den hopi mente, pa pone nan hasi e mes un aktonan aki. Bukinan ku ta pone pensamentunan satániko den e mente humano ta haña nan publisidat den obranan malu. E detayenan horibel di krímen i di miseria no mester wòrdu ripití, i ningun hende ku ta kere den e bèrdat den e tempu aki mester tuma parti pa laga e memoria ei keda na bida.
   E historianan di amor i kuentanan superfisial i eksitante ta konstituí otro klase di bukinan ku nan tur ta un maldishon pa kualke lektor. E outor masha bon por agregá un bon lès i hinka den dje sentimentunan religioso; no opstante, den mayoria di e kasonan Satanas ta bistí ku paña di angel pa gaña i sedusí ku mas efikasia. E mente ta wòrdu afektá den gran manera pa e alimentu ku ta dun'é. E lesadónan di kuentanan superfisial i eksitante ta bira inkapas pa hasi nan debernan. Nan ta biba un bida ireal, i nan no ta sinti ningun deseo pa dediká na un okupashon

útil òf di investigá e Skrituranan, pa alimentá nan mes di e maná selestial. E mente ta debilitá i ta pèrdè su poder di kontemplá e problemanan grandi di deber i di destino.
   (199) Mi a wòrdu mustra ku e hubentut ta eksponé na mayor peliger pa e mal lekturanan. Satanas konstantemente ta hala tantu hóben komo esnan di edat maduro pa hasi nan gusta historianan sin balor. Si por a kima gran kantidat di e bukinan publiká aki lo a evitá un plaga ku ta hasiendo un obra teribel den debilitá mente i korumpí kurason. Ningun hende por pensa ku e ta asina firme den e prinsipionan sano, ku e por ta liber di e tentashon. Tur e lektura komun aki por wòrdu poné libremente un banda.
   Nos no tin pèrmit di Señor pa okupá nos den drùkmentu òf benta di sorto di publikashon asina, pasobra nan ta medio pa distruí hopi alma. Mi sa loke mi ta skirbi; pasobra e asuntu aki a wòrdu mustra na mi. Esnan ku ta kere e bèrdat no okupá nan mes den e obra aki, pensando di gana sèn. Señor lo tira Su maldishon riba e plaka asina ganá; mas lo ta loke e ta plama ku loke e ta rekohé (Manual for Canvassers, página 51-53. Aña 1902).

Kolportá pa plama e lus

   Den e tempu aki kosnan komun ta wòrdu alabá i hasí grandi. Nan ta pidi loke por kria sensashon i produsí benta. E pais (USA) ta inundá di publika-shonnan ku no tin ningun balor, ku a wòrdu skirbi pa haña sèn, miéntras ku e bukinan balioso no ta

wòrdu bendé ni lesá. Esnan ku ta manehá (200) e literatura di sensashonnan aki, ta hasié, pasobra nan por gana un salario mas haltu, nan ta pèrdiendo un bunita oportunidat di hasi bon. Tin batayanan pa bringa pa konkista atenshon di hòmber i muhénan, i pone nan interesá den e bukinan bèrdaderamente balioso ku tin Beibel komo base; i lo ta un obra ainda mas grandi pa haña obreronan honrado i respetuoso di Dios pa drenta den e kampo pa kolportá ku e bukinan aki ku e propósito di plama e lus (Testimonies, tomo 5, página 401,402. Aña 1885).

(201)