KAPÍTULO # 23
E MINISTERIO DI NOS REVISTANAN

 

   
   
 
Página 165
 
 

E presentashon di e bèrdat pa medio di nos revistanan

   Nos revistanan tin bèrdat bíbliko bendishoná i ku ta salba. Hopi hende por yuda den benta di nos revistanan (Joyas de los Testimonios, tomo 3, página 313. Aña 1909).

   Nos a bin ta drumi, na manera di bisa, den loke ta trata e obra ku mester wòrdu hasí pa sirkulashon di publikashonnan bon prepará. Laga nos prediká e palabra awor, dor di e uso inteligente di revista i bukinan, ku energia, pa asina e mundu komprendé e mensahe ku Kristu a duna Juan riba e Isla di Patmos. Laga tur inteligensia humano ku ta karga e nòmber di Kristu duna testimonio ku: Fin di tur kos ta serka; prepará pa topa ku Dios (Review and Herald, 30-7-1908).

Proklamá e mensahe di e di tres angel

   E obra grandi i maravioso dje último mensahe evangéliko, mester wòrdu hibá dilanti awor komo nunka ántes e la wòrdu hasí.(202) E mundu mester risibí e lus di e bèrdat pa medio di e ministerio di evangelisá dor di e palabra ku ta den nos buki i revistanan. Nos publikashonnan mester mustra ku fin di

 
   
 
Página 166
 
 

tur kos ta serka. Mi a wòrdu pidí pa bisa nos kas editorialnan: Halsa e norma; subié mas i mas. Proklamá e mensahe di e di tres angel, pa hinter mundu por skucha. Ku tur hende mira ku "aki ta esnan ku ta warda e mandamentunan di Dios i tin e fe di Hesus". Laga nos publikashonnan duna e mensahe komo un testimonio na hinter mundu (Ibid.).

Suskripshon di revistanan

   Eror a wòrdu kometé ora ku a pidi suskripshon pa nos revistanan únikamente pa un par di siman, ora ku un debido esfuerso hasí lo por a haña suskrip-shonnan pa tempu muchu mas largu. Un suskripshon anual ta di mas balor ku hopi pa un tempu kòrtiku. Ora ku un hende suskribí solamente pa un par di luna, e interes hopi biaha ta kaba den e suskripshon kòrtiku. Poko ta esnan ku ta renobá nan suskripshon pa un periodo mas largu, asina anto tin hopi inver-shon di tempu ku ta trese poko resultado, ora, ku un poko mas di takto i perseveransia, lo por a haña suskripshonnan anual. Rumannan, boso ta proponé demasiado poko; boso ta demasiado kòrtiku den boso plannan. Boso no ta pone den boso trabou tur e takto i perseveransia ku esaki tin mester. Tin mas difikultatnan (203) den e obra aki ku den otro ramonan di negoshi; pero e lèsnan ku wòrdu siñá, takto i e disiplina ku ta wòrdu haña, lo kapasitá boso pa otro kampo di aktividat, kaminda boso por ministrá na e almanan. Esnan ku siña nan lèsnan malu, i nan ta deskuidá i brutu ora nan yega seka hende, lo mustra e mesun defektonan aki den nan modalnan, e mesun

 
   
 
Página 167
 
 

falta di takto i abilidat pa trata ku mentenan, si nan drenta den e ministerio.
   Ta un eror pa tuma suskripshonnan kòrtiku.- Ora aseptá suskripshonnan kòrtiku, algun hendenan lo no hasi e esfuerso nesesario pa haña nan pa mas tempu. E kolportornan no mester pasa den e teritorio di un manera deskuidá i sin preokupashon. Nan mester ta konsiente ku nan ta obreronan di Dios, i e amor pa e almanan mester hasi nan pone tur esfuerso di nan parti pa iluminá hòmber i muhénan den loke ta trata e bèrdat. E providensia i grasia, e medionan i e resultadonan, ta totalmente uni ku otro. Ora ku Su obreronan hasi lo mihó ku nan por, Dios ta hasi pa nan loke nan no por hasi pa nan mes; pero ningun hende mester pensa ku e lo tin bon éksito trahando independientemente i ku su propio forsa. Mester tin aktividat, uni ku un konfiansa firme den Dios.
   Mester tin ekonomia den tur departamentu di e obra di Señor. E disposishon natural di e hubentut den e époka aki (204) ta di deskuidá i despresiá e ekonomia, i konfundié ku eskases i miskiña. Pero ekonomia ta di akuerdo ku e konseptonan i sentimentunan mas amplio i liberal; no por tin bèrdadero generosidat kaminda no ta práktika ekonomia. Ningun hende mester pensa ku e ta rebaha su mes den buska e mihó medionan pa "rekohé e pidasitunan". Despues ku Kristu a hasi un milager notabel, E la bisa: "Rekohé e pidasitunan ku a keda, pa nada no bai pèrdí" (Testimonies, tomo 5, página 399, 400. Aña 1885).

(205)