KAPÍTULO # 24
E GRAN INFLUENSIA DI NOS PUBLIKASHONNAN

 

   
   
 
Página 168
 
 

E poder di e pèn

   E pèn ta un poder den man di hendenan ku ta sinti ku e bèrdat ta kima den e altar di nan kurason, i ku nan tin un selo sabí pa Dios, ekilibrá ku bon huisio. E pèn, muhá den e fuente puru di e bèrdat, por manda rayonan di lus te na e hukinan skur di tera, kual nan lo bolbe reflehá e rayonan aki, poniendo aserka poder nobo, i oumentá e lus pa e wòrdu plamá tur kaminda (Life Sketches, página 214. Aña 1905).

Prensa ta un instrumènt di Dios

   Prensa ta un medio poderoso pa move mente i kurason di hende.... Prensa ta un instrumènt poderoso ku Dios a ordená pa kombiná ku e energia di e predikador pa presentá e bèrdat na tur nashon, tribu, lenga i puebel. Hopi ta e mentenan ku di otro manera no por wòrdu alkansá (Christians Experience, página 225-227. Aña 1922).
   (206) E rama di publikashon di nos kousa tin hopi di hasi ku nos poder. Mi ta deseá ku e por logra tur loke Señor proponé pa e hasi. Si nos hendenan ku ta traha ku e bukinan hasi nan parti fielmente, mi sa pa e lus ku Dios a duna mi, ku e konosementu di e bèrdat presente lo ta dupliká i tripli-

 
   
 
Página 169
 
 

ká (Life Sketches, página 446,447. Aña 1915).

E influensia di nos publikashonnan

   Mi a wòrdu mustra ku nos publikashonnan mester ta di drùk den diferente idioma i mandá na tur pais sivilisá, no importá e kosto. Ki balor sèn tin den e tempu aki den komparashon ku e balor di e almanan?...
   Mi a wòrdu mustrá ku prensa ta poderoso pa bon òf pa malu. E instrumènt aki por alkansá i influensiá mente di e públiko manera ningun otro método por hasié. Prensa, dirigí pa hendenan santifiká i konsagrá na Dios, por ta un poder pa bon pa hiba na hendenan e konosementu di e bèrdat....
   Den otro paisnan.- Mi a wòrdu mustrá ku e publikashonnan ya a kuminsá hasi un obra den algun mente den otro paisnan, kibrando e murayanan di prehuisio i superstishon. Mi a wòrdu mustrá hòmber i muhénan ku tabata studia ku intenso interes revistanan i algun página (207) di foyeto di e bèrdat presente. Nan tabata lesa e evidensianan asina maravioso i nobo pa nan, i nan tabata habri nan Beibel ku un interes nobo i profundo, segun ku e temanan di e bèrdat ku tabata parse nan skur tabata keda klará, espesialmente e lus di loke ta trata e sabat dje di kuater mandamentu. Miéntras nan tabata investigá e Skrituranan pa mira ku e kosnan tabata asina, lus nobo tabata bria den nan komprenshon, e angelnan tabata rondoná nan, i impreshoná nan mente ku e bèrdatnan den e publikashonnan ku nan tabata lesando.

 
   
 
Página 170
 
 

   Nan tabata skrudiñá ku orashon i lágrima.- Mi tabata mira nan tene revista i foyetonan den un man i Beibel den otro man, miéntras nan kara tabata muhá di lágrima, i nan a baha nan kabes dilanti Dios den orashon ferviente i humilde pa wòrdu guiá den tur e bèrdat - presisamente loke E tabata hasiendo pa nan promé ku nan dirigí nan mes na Señor. I ora nan a risibí e bèrdat den nan kurason, i nan a mira e kadena armonioso di bèrdat, Beibel a bira pa nan un buki nobo; nan a peg'é na nan kurason ku goso i gradisimentu, miéntras nan kara tabata bria di felisidat i goso santu.
   Nan no a keda satisfecho pa nan so gosa di e lus, i nan a kuminsá traha pa otronan. Algun a hasi sakrifisionan grandi pa kousa di e bèrdat i pa yuda nan rumannan ku tabata den skuridat. Asina e kaminda ta keda prepará pa hasi un gran obra (208) den distribushon di foyeto i revistanan den otro idiomanan (Id., página 214, 215. Aña 1915).

Bukinan saká for di e rèkinan

   Ta bèrdat ku despues di a kumpra e bukinan, hopi hende lo wardanan den nan biblioteka òf laga nan riba mesa, i poko biaha lo lesa nan. Pero Dios ta kuida Su bèrdat i dia lo yega ku nan lo buska e bukinan aki i lesa nan. Por drenta den e hogar enfermedat òf algun desgrasia anto e ora ei, pa medio di e bèrdat den nan, Dios ta manda pas, speransa i deskanso pa e almanan kargá. Su amor ta wòrdu revelá na nan i nan ta komprondé kon presioso ta e pordon di piká. Asina Señor ta koperá ku Su obreronan ku

 
   
 
Página 171
 
 

ta ninga nan mes (Testimonies, tomo 6, página 313,314. Aña 1900).

Almanan hibá na Kristu

   Nos publikashonnan awor ta sembrando e simia evangéliko, i nan ta instrumèntnan pa hiba na Kristu tantu almanan komo e palabra prediká. Iglesianan kompleto a wòrdu lantá komo resultado di e sirkulashon di nos publikashonnan (Review and Herald, 10-6-1880).

Asta e sobránan ta presioso

   Tur liña di e materialnan di drùk ku tin e bèrdat presente, mester wòrdu trata komo tesoronan sagrado. (209) Asta e partinan di un foyeto òf di un revista mester wòrdu konsiderá di balor. Ken por apresiá e influensia ku un página kibrá ku tin e bèrdatnan di e mensahe di e di tres angel por tin den kurason di algun buskadó di e bèrdat? Laga nos kòrda ku un hende lo ta kontentu pa lesa tur e buki i revistanan ku nos tin di mas. Tur página ta un rayo di solo, ku mester bria den kaminda i hanchinan, proyektando lus den kaminda di e bèrdat.
   Den e milagernan hasí pa alimentá e multitut ku un poko pan i piská, e alimento tabata oumentá miéntras e tabata pasa di Kristu pa esnan ku tabata asept'é. Asina tambe mester sosodé den e distribu-shon di nos publikashonnan. E bèrdat di Dios, ora e pasa di un na otro, lo multipliká grandemente. I asina manera e disipelnan a kumpli e instrukshon di Kristu, a rekohé e sobránan ku a keda pa nada bai

 
   
 
Página 172
 
 

pèrdí, nos tambe mester warda kada sobrá di e página di drùk ku tin e bèrdat pa e tempu aki (Id., 27-8-1903).

Mil persona den un solo dia

   Pronto Dios lo hasi kosnan grandi pa nos si nos pone nos mes humilde i kreyente na Su pia.... Mas di mil persona lo konbertí den un solo dia, mayor parti di kua lo atribuí nan promé konvikshon (210) na e lektura di nos publikashonnan (Id., 10-11-1885).

Ora ku e spièrtamentu final wòrdu duná

   Míles di bosnan lo prediká e mensahe rònt tera. Lo tin milagernan. E enfermonan lo kura i siñal i maravianan lo sigui e kreyentenan. Satanas tambe lo hasi su milagernan falsu, na punto di hasi kandela baha for di shelu den bista di hende (Revelashon 13:13). Asina anto e habitantenan di tera mester disidí na fabor òf en kontra di e bèrdat.
   E mensahe lo no wòrdu hibá padilanti ku hopi argumentu sino pa medio di e konvikshon profundo inspirá pa e Spiritu di Dios. E argumentunan ya a wòrdu presentá. E simia ta sembrá, i lo brota i duna fruta. E publikashonnan distribuí pa e misioneronan a hasi nan influensia; sinembargo, hopi di esnan ku nan spiritu a keda impreshoná a wòrdu strobá di komprendé e bèrdat por kompleto òf di obedesé. Pero e ora ei e rayonan di lus lo penetrá tur kaminda, e bèrdat lo parse den tur su klaridat.... Un gran

 
   
 
Página 173
 
 

kantidat di persona lo prepará nan mes den e filanan di Señor (El Conflicto de los Siglos, página 670. Aña 1888).

E plan di Dios pa proklamá e mensahe

   Dios a duna nos komo pueblo un gran lus, e ta pidi nos pa nos lag'é (211) bria dilanti di esnan ku ta den skuridat. E lus i e poder di un bèrdat bibu mester wòrdu duná dor di nos na mundu. For di nos mester bria un lus kla i firme pa iluminá esnan ku ta den skuridat, i e poder di Dios lo tené bibu. Nos ta wòrdu enkargá pa usa e lus ku a wòrdu duná na nos pa krea otro lus, asina anto ku nos semehantenan por gosa den e bèrdat. No laga nos hasi nos orea duru pa e mandato. Imaginá bo ku solo ninga di bria, ¡Ki teribel skuridat i konfushon lo tin! Si nos ninga di permití ku nos lus bria pa lusa esnan den skuridat, nos ta pone riba nos mes un kulpa ku su magnitut no por wòrdu kontá....
   "E Spiritu i e Brùit ta bisa: 'Bin. I esun ku skucha, lag'é bisa: Bin. I esun ku tin set lag'é bin: i esun ku ke, lag'é bebe di e awa di bida por nada' ".
   E palabranan aki ta mustra e plan di Dios pa plama e Evangelio. Su instrumèntnan, dibino i humano, mester uni nan mes den un esfuerso pa salba esnan pèrdí. E almanan mester wòrdu salbá di e sklabitut di piká. Dios ta yama esnan ku a tuma Su nòmber pa obedesé Su òrdunan. Tur hende ta yamá pa tuma algun parti den Su obra....
   E poder di e bèrdat ku ta transformá.- Ta pa medio di e influensia ku ta transformá di e grasia dibino den

 
   
 
Página 174
 
 

e kurasonnan humano, ta kon e poder di e palabra di bèrdat ta keda rebelá. (212) E mensahe, proklamá den regionnan ku te ainda no a wòrdu skuchá, ta hasi impreshon den e kurasonnan. Parse ku e tin mas poder pa transformá e karakter ku ora e wòrdu presentá na esnan ku konosé su aspekto atministrativo. E bèrdat tin poko poder riba kurasonnan di esnan ku ta biba den forma kontrario pa motibu di bentahanan personal, esnan ku ta sigui un kondukta kontrario na Su prinsipionan. E personanan aki ta pretendé di kere e Palabra di Dios, pero nan no ta duna ningun evidensia ku nan ta santifiká pa e Palabra.
   E bèrdat mester tuma poseshon di e boluntat di esnan ku nunka ántes a skucha di dje. Nan mester mira e seriedat di piká, i nan arepentimentu mester ta kompleto i sinsero. Señor lo obra den kurasonnan ku den pasado no a wòrdu toká, kurasonnan ku te na e momento aki no a mira e seriedat di piká.
   Kristu ta e úniko enemigu di piká ku a enfrent'é ku éksito. Laga e lus pleno di Su bida basha riba e almanan ku ta den skuridat. Bou di e poder direkto di e Evangelio miar a kombèrtí den un dia.
   Ora ku un pekador yega na komprendé e echo ku ta únikamente pa medio di Kristu por haña bida eterno; ora ku e haña sa ku e kondishon pa drenta den e reino di Dios ta obedesé e Palabra di Dios; ora e mira Kristu komo e (213) ofrenda pa piká, e ta bini na e Salbador ku humildat i tristesa, konfesando su pikánan i buskando pordon. Su alma ta impreshoná ku un sentido di e mahestat i e gloria di Dios. E ta sinti profundamente e karakter bendishoná di un

 
   
 
Página 175
 
 

bida eterno di pas i goso i puresa ku e ta entrega su mes totalmente.
   Mi a wòrdu indiká pa bisa ku algun hende ku eksteriormente ta parse plenamente den piká, ora ku e lus bria den nan alma, nan lo kombertí den obreronan di mayor éksito den e lugánan kaminda tin pekadornan meskos ku nan tabata promé.
   Skirbí pa e kolportornan.- Mi ta skirbi esaki pasobra esnan ku ta okupá den e obra di kolportahe i den e trabou di kas pa kas hopi biaha ta topa hòmber i muhénan brutu i antipátiko den nan aspekto eksterior, pero ku, si nan wòrdu ganá pa e bèrdat, nan lo parse entre e atkisishon mas fiel i leal. E Spiritu di bèrdat ta di bèrdat di balor den kada iglesia. Esnan ku Señor ta usa no ta tur biaha ta di pòlish eksteriormente, pero si nan tin integridat di karakter, Señor lo konsiderá nan presioso.
   E obra di Dios mester krese segun fin ta aserká.- Segun e fin ta aserká e obra di Dios mester krese te ora ku e tin forsa kompleto, puresa i santidat. E obreronan mester ta yen dje amor di Dios i di amor pa nan semehantenan. (214) Nan mester tin prinsipionan di integridat estrikto. Ora toka e tekla debido, Dios lo revelá Su mes komo un Dios di miserikòrdia i amor. E angelnan di shelu lo aserká e miembronan di iglesia ku ta riba tera pa yuda nan den nan nesesidat. Laga nos semper kòrda ku nos ta obreronan huntu ku Dios. Den e union selestial aki nos mester hiba e obra di Señor pa dilanti ku integridat, ku kantonan i goso. Den tur alma e kandela di e selo santu lo sende. Grupo tras grupo di persona lo bandoná e bandera di skuridat dje enemigu pa bini i yuda Señor,

 
   
 
Página 176
 
 

pa kolaborá ku n'e kontra e poderoso enemigu.
   E obreronan mester tin un profundo eksperensia.- E obreronan di Dios mester tin un profundo eksperensia. Si nan entregá nan mes plenamente na djE, lo E obra ku gran poder na nan fabor. Lo e pone e bandera di e bèrdat riba e fòrtinan ku te awor Satanas tabata dominá, i ku sklamamentu di viktoria, nan lo tuma poseshon di nan. Nan ta hiba e markanan di e bataya, pero nan ta haña e mensahe di konsuelo, ku Señor lo guia nan den nan avanse, vensiendo i pa vense.
   Ora e sirbidónan di Dios ku un selo konsagrá koperá ku e instrumèntnan dibino, e estado di kosnan ku awor ta eksistí den mundu lo kambia, i pronto tera lo risibí su Rei ku goso. Anto "esnan ku tin disernimentu lo bria manera e splendor (215) di e firmamentu; i esnan ku ta guia hopi hende na hustisia, lo bria manera e streanan pa semper i semper" (Review and Herald, 17-9-1903).