(5)
Kontestando un mandato divino, adventistanan di Shete Dia a kuminsá ku entusiasmo e obra di pregoná e bèrdat di e sabat i dje segunda binida di Kristu, dor di e página di drùk. Den mas di un siglo di nos aktividat evangéliko, e obra di publikashon tabata un instrumènt poderoso pa plama e mensahe di e di tres angel den henter mundu.
Dor di añanan nos a haña guia speshal kon pa publiká i pone nos publikashonnan sirkulá pa medio di e pèn di Elena G. White. Den e konsehonan aki, benta di nos buki i revistanan ku tin e bèrdat a keda alsa na e kategoria di un obra kompará ku esun dje ministerio evangéliko. E persona ku ta dediká su mes na bende e bukinan aki, ta wòrdu konsiderá komo un kolportor evangéliko.
Na aña 1902 un kantidat di deklarashon di Sra. Elena G. White ku ta papia di e ministerio di kolportahe a keda rekompilá, i publiká bou di e titulo Manual for Canvassers (Manual para Colportores). Konsehonan ku Sra. Elena G. White a haña despues tokante di ministerio di publikashon, a pone ku a hasi un ampliashon di e obra aki, i na aña 1920 a sali e tomo presioso (6) yamá Colporteur Evangelist (El Colportor Evangélico). E buki chikitu a keda publiká den hopi idioma, i tambe na spañó, i a sirkulá ampliamente.
E deseo di eliminá ripitishon di tema, di pone e konsehonan den un órden temátiko bon organisá, i di inkluí un par di deklarashonnan adishonal eskohí di e bukinan di Sra. Elena G. White, di artíkulonan periodístiko i su
manuskritonan, a duna komo resultado e kompilashon aki, kua a keda prepará den armonia ku e provishon ku Elena G. White a hasi pa e publikashon póstumo di su eskritonan. Ta duna referensia di kada sita i e aña den kua e la wòrdu publiká pa promé biaha.
E suptitulonan, ku e kompiladónan a inkluí, por yuda e lektor pa haña e deklarashonnan ku e ta deseá. Ta usa lèter mas diki pa nan. E lèter skùin “cursiva” usá den e teksto ta sirbi pa destaká e pensamentu sentral dje párafo òf di e kabes dje párafonan. Ku eksepshon di algun material ku a wòrdu eliminá pasombra nan tabata puru ripitishon, tur e kontenido di El Colportor Evangélico ta inkluí den e volúmen nobo aki. Tur e referensianan ta di e fuentenan original i no di El Colportor Evangélico, pasombra e último obra aki tambe a keda kompilá despues di morto di Sra. Elena G. White.
E edishon aki, ku un titulo diferente, den un format ekonómiko i na papiamentu, a wòrdu prepará pensando riba nos rumannan di iglesia. Asina, tantu nos kolportornan komo nos rumannan por risibí e inspirashon pa hasi e boluntat di Dios.
(7) Ku e konsehonan ku ta trata evangelisashon pa medio di nos publikashonnan, bou di su ordenashon nobo den e forma amplia aki, por guia i inspirá nos kolportornan evangéliko na un ministerio mas grandi i mas efisiente pa e Maestro, ta e sinsero deseo di e editornan i di

ESNAN ENKARGÁ KU E ESKRITONAN DI ELENA G. WHITE